| e-texts navigator |
| Wylie |
26a1 མ་གཟན་ཅིག་། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ཉེ་བར་འཚོ་བ་མ་མཆིས་པ་ལགས། ཇི་ལྟར་ན་སེམས་ཅན་ཐམས་ཅད་ཉེ་བར་འཚོ་བ་ལགས། ཇི་ལྟར་ན་བསགས་པ་སྩོགས་པ
26a2 ལགས། ཇི་ལྟར་ན་བསགས་པ་ཆུད་མི་གཟོན་པ་ལགས། བཀའ་སྩལ་པ། ཉེ་བར་འཚོ་བ་མེད་པ་ནི་བདུད་དང་མུ་སྟེགས་ཅན་ཐམས་ཅད་ཀྱིས་གླགས་མི་རྙེད་པའོ། །སེམས་ཅན་ཐམས་ཅད་ཉེ་བར་འཚོ་བ་ནི་དཔག་བསམ
26a3 གྱི་ཤིང་ལྟ་བུའོ། །མ་བསགས་པ་བསགས་པ་ནི་དགེ་བའི་རྩ་བ་བསྐྱེད་པའི་ཕྱིར་རོ། །བསགས་པ་ཆུད་མི་གཟན་པ་ནི་དགེ་བའི་སེམས་སྐྱེས་སོ་ཅོག་བྱང་ཆུབ་ཏུ་ཡོངས་སུ་བསྔོ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན
26a4 སྟོབས་ཆུང་བར་ཡང་གྱིས་ཤིག་། སྟོབས་དང་ལྡན་པར་ཡང་གྱིས་ཤིག་།རྟེན་མེད་པར་ཡང་གྱིས་ཤིག་།དཔུང་གཉེན་མེད་པར་ཡང་གྱིས་ཤིག་།གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས
26a5 སྟོབས་ཆུང་བ་ལགས། ཇི་ལྟར་ན་སྟོབས་དང་ལྡན་པ་ལགས། ཇི་ལྟར་ན་རྟེན་མ་མཆིས་པ་ལགས། ཇི་ལྟར་ན་དཔུང་གཉེན་མ་མཆིས་པ་ལགས། བཀའ་སྩལ་པ། སྟོབས་ཆུང་ངུ་བྱ་བ་ནི་གནོད་པར་བྱེད་པ་རྣམས་ལ་ལན
26a6 མི་བྱའོ། །སྟོབས་དང་ལྡན་པར་བྱ་བ་ནི་ཕན་པ་མི་བྱེད་པ་རྣམས་ལ་བཟོད་པས་ཕན་གདགས་པའོ། །རྟེན་མེད་པར་བྱ་བ་ནི་སོ་སོ་རང་གིས་ཤེས་པས་སོ། །དཔུང་གཉེན་མེད་པར་བྱ་བ་ནི་གཞན་གྱི་དྲིང་མི་འཇོག་པ་སྟེ་དེ་ནི་ཚུལ
26a7 ལོ། །རིགས་ཀྱི་བུ་དག་དེ་ལྟ་བས་ན་དང་བ་དག་ནི་རྙོག་པ་ཅན་དུ་གྱིས་ཤིག་།རྙོག་པ་ཅན་དག་ནི་དང་བར་གྱིས་ཤིག་།རྙོག་པ་མེད་པར་ཡང་གྱིས་ཤིག་།རྟག་ཏུ་དང་བར་ཡང་གྱིས་ཤིག་།གསོལ་པ།
26a8 བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་དང་བ་དག་ནི་རྙོག་པ་ཅན་དུ་བགྱི་བ་ལགས། ཇི་ལྟར་ན་རྙོག་པ་ཅན་དག་ནི་དང་བར་བགྱིད་པ་ལགས། ཇི་ལྟར་ན་རྙོག་པ་མ་མཆིས་པ་ལགས། ཇི་ལྟར་ན་རྟག་ཏུ
iiif viewer powered by OpenSeadragon
