| e-texts navigator |
| Wylie |
25b1 མ་འབྱོར་པ་ནི་མྱ་ངན་ལས་འདས་པའི་ཚུལ་བཞིན་ཡིད་ལ་བྱ་བ་སྟེ། དེ་ནི་བྱང་ཆུབ་སེམས་དཔས་སྦྱར་བའོ། །འབྱོར་པ་དང་མ་འབྱོར་པ་ལ་ཆགས་པར་མི་བྱ་བ་ནི་ཉན་ཐོས་དང་རང་སངས་རྒྱས་ཀྱི་སྤྱོད་པ་དང་། སོ་སོའི་སྐྱེ་བོའི
25b2 སྤྱོད་པ་ལ་མ་ཆགས་པར་བྱ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་དབུགས་ཕྱིན་པ་རྣམས་ནི་དབུགས་མ་ཕྱུང་ཤིག་།དབུགས་མ་ཕྱིན་པ་རྣམས་ནི་དབུགས་ཕྱུང་ཤིག་།གསོལ་པ། བཅོམ་ལྡན་འདས
25b3 ཇི་ལྟར་ན་བྱང་ཆུབ་སེམས་དཔའ་རྣམས་དབུགས་ཕྱིན་པ་རྣམས་དབུགས་མི་འབྱིན་པ་ལགས། ཇི་ལྟར་ན་དབུགས་མ་ཕྱིན་པ་རྣམས་དབུགས་འབྱིན་པ་ལགས། བཀའ་སྩལ་པ། དབུགས་ཕྱིན་པ་རྣམས་དབུགས
25b4 མི་དབྱུང་བ་ནི་ཡོངས་སུ་སྨིན་པའི་སེམས་ཅན་རྣམས་ཡོངས་སུ་སྨིན་པར་མི་བྱའོ། །དབུགས་མ་ཕྱིན་པ་རྣམས་དབུགས་དབྱུང་བ་ནི་ཡོངས་སུ་མ་སྨིན་པའི་སེམས་ཅན་རྣམས་ཡོངས་སུ་སྨིན་པར་བྱ་བ་སྟེ་དེ་ནི་ཚུལ་ལོ། །
25b5 རིགས་ཀྱི་བུ་དག་དེ་ལྟ་བས་ན་རྨ་བྱུང་བར་ཡང་གྱིས་ཤིག་།མ་རྨས་པར་ཡང་གྱིས་ཤིག་།རྨ་བྱུང་བ་རྣམས་ནི་སོས་པར་ཡང་གྱིས་ཤིག་།རྨ་མ་བྱུང་བ་རྣམས་ནི་རྨ་དབྱུང་ཅིག་།གསོལ་པ། བཅོམ་ལྡན་འདས
25b6 ཇི་ལྟར་ན་བྱང་ཆུབ་སེམས་དཔའ་རྣམས་རྨ་འབྱིན་པ་ལགས། ཇི་ལྟར་ན་མ་རྨས་པ་ལགས། ཇི་ལྟར་ན་རྨ་བྱུང་བ་རྣམས་གསོ་བ་ལགས། ཇི་ལྟར་ན་རྨ་མ་བྱུང་བ་རྨ་མི་འབྱིན་པ་ལགས། བཀའ་སྩལ་པ། རྨ་འབྱུང་བ་ནི་ཡན
25b7 ལག་དང་ཉིང་ལག་ཡོངས་སུ་བཏང་བའི་ཕྱིར་རོ། །མ་རྨས་པར་བྱ་བ་ནི་སེམས་ཀྱིས་སོ། །རྨ་བྱུང་བ་རྣམས་གསོ་བ་ནི་ལྟུང་བ་བྱུང་བ་རྣམས་ཆོས་བཞིན་དུ་བཅོས་པའོ། །རྨ་མ་བྱུང་བ་རྨ་མི་དབྱུང་བ་ནི་སྲོག་གི་ཕྱིར་ཡང་བསླབ་པ་ལས་འགལ་བར
25b8 མི་བྱ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་ཉེ་བར་འཚོར་མེད་པར་ཡང་གྱིས་ཤིག་།སེམས་ཅན་ཐམས་ཅད་ཉེ་བར་འཚོ་བར་ཡང་གྱིས་ཤིག་།མ་བསགས་པ་རྣམས་ཀྱང་སོགས་ཤིག་།བསགས་པ་རྣམས་ཀྱང་ཆུད
iiif viewer powered by OpenSeadragon
