| e-texts navigator |
| Wylie |
24b1 རྣམས་ལ་རྨ་མི་འབྱིན་པ་ལགས། ཇི་ལྟར་ན་རྨ་མ་བྱུང་བ་རྣམས་ལ་རྨ་འབྱིན་པ་ལགས། ཇི་ལྟར་ན་ཡེ་ཤེས་ཚོལ་བ་ལགས། ཇི་ལྟར་ན་ཡེ་ཤེས་ཀྱི་བགྱི་བ་རྣམས་ལ་མི་དགའ་བ་ལགས། བཀའ་སྩལ་པ།
24b2 རྨ་བྱུང་བ་རྣམས་ཤེས་བྱ་བ་ནི་ཉན་ཐོས་དང་རང་སངས་རྒྱས་ཀྱི་ས་སྟེ་དེ་ལ་རྨ་དབྱུང་བར་མི་བྱའོ། །རྨ་མ་བྱུང་བ་རྣམས་ཞེས་བྱ་བ་ནི་སོ་སོའི་སྐྱེ་བོ་ཐམས་ཅད་དེ། དེ་དག་ནི་རྨ་དབྱུང་བར་བྱའོ། །ཡེ་ཤེས་བཙལ་བར
24b3 བྱ་བ་ནི་ཟད་པ་དང་མི་སྐྱེ་བ་ཤེས་པའོ། །ཡེ་ཤེས་ཀྱི་བྱ་བ་ལ་དགའ་བར་མི་བྱ་བ་ནི་འདུས་མ་བྱས་སུ་ལྟུང་བར་མི་བྱ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་མཉམ་པར་གཞག་པར་ཡང་གྱིས་ཤིག་།
24b4 སེམས་རྣམ་པར་གཡེང་བར་ཡང་གྱིས་ཤིག་།སེམས་མི་གནས་པར་ཡང་གྱིས་ཤིག་།རྟག་ཏུ་སྙོམས་པར་ཞུགས་པར་ཡང་གྱིས་ཤིག་།གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ
24b5 རྣམས་མཉམ་པར་གཞག་པ་ལགས། ཇི་ལྟར་ན་སེམས་རྣམ་པར་གཡེང་བར་བགྱིད་པ་ལགས། ཇི་ལྟར་ན་སེམས་མི་གནས་པ་ལགས། ཇི་ལྟར་ན་རྟག་ཏུ་སྙོམས་པར་ཞུགས་པ་ལགས། བཀའ་སྩལ་པ།
24b6 མཉམ་པར་གཞག་པ་ནི་བྱང་ཆུབ་ཀྱི་སེམས་ཀྱིས་སོ། །སེམས་རྣམ་པར་གཡེང་བར་བྱ་བ་ནི་ཉན་ཐོས་ཀྱི་སེམས་ལས་སོ། །མི་གནས་པ་ནི་དེ་ལ་མ་ཆགས་པའི་ཕྱིར་རོ། །རྟག་ཏུ་སྙོམས་པར་ཞུགས་པ་ནི
24b7 སེམས་ཅན་ཐམས་ཅད་ལ་སེམས་མཉམ་པའི་ཕྱིར་ཏེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་བསྲེག་པར་བྱ་བ་ནི་སྲེགས་ཤིག་།ཚིག་པ་ནི་སྐྱེད་ཅིག་།སྐྱེས་པ་ནི་ཐོང་ཅིག་།རྣམ་པར་ཕྱེ་བ་ནི
24b8 བསྡུས་ཤིག་། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་བསྲེག་པར་བགྱི་བ་བསྲེག་པ་ལགས། ཇི་ལྟར་ན་ཚིག་པ་རྣམས་སྐྱེད་པ་ལགས། ཇི་ལྟར་ན་སྐྱེས་པ་རྣམས་གཏོང་བ
iiif viewer powered by OpenSeadragon
