| e-texts navigator |
| Wylie |
16a1 གདམས་པར་སྨོན་ཏོ། །བདག་ལ་ཡང་སེམས་ཅན་རྒྱ་ཆེར་བསྒྲོལ་བ་བཤད་དེ་སེམས་ཅན་གྱི་རྣམས་ཐོས་པ་ཉུང་ལ་ཤེས་པ་མང་། མཐོང་བ་ཉུང་ལ་རིག་པ་མང་། ཡི་གེའི་རི་མོ་མང་དུ་མ་འཚལ་བར་གཞུང་གི་མངོན
16a2 རྟགས་ཐོབ་སྟེ། ཆོས་ཉུང་ངུས་ཡང་དག་པར་གྲོལ་ཐར་ལ། གཞན་དོགས་པ་འདྲི་བ་མ་མཆིས་པར་བགྱི་ན། སངས་རྒྱས་ཀྱིས་བྱམས་ཤིང་ཐུགས་རྗེས་གཟིགས་ཏེ་བདག་ལ་དགྲོལ་བཤད་པར་སྨོན་ཏོ། །སངས་རྒྱས་ཀྱིས
16a3 ཕལ་མང་པོ་ལ་བཀའ་སྩལ་པ། བྱང་ཆུབ་སེམས་དཔའ་ཆོས་ཀྱི་རྒྱལ་པོ་འདིས་བསྐལ་པ་བརྒྱ་སྟོང་ཁྲི་འབུམ་གྱི་སངས་རྒྱས་རྣམས་ལ་ཡོན་གསོལ་མྱོང་ཟིན་པས་ན། ཐབས་སྤྱོད་པ་མཁས་ཏེ་སེམས་ཅན་ལ་ར་མདའ་བྱ་ཞིང
16a4 བསྒྲལ་ནུས་སོ། །བྱང་ཆུབ་སེམས་དཔའ་འདིས་རོ་བྲོ་བའི་རླུང་སྤྱད་དེ་སེམས་ཅན་རྣམས་ཀྱི་སྲོག་མཐུད་ནུས་སོ། །ཁྱེད་ལ་སོགས་པ་ད་ལྟའི་དང་། མ་འོངས་པའི་དུས་ཀྱི་སེམས་ཅན་རྣམས་ཀྱིས་བྱང་ཆུབ་སེམས
16a5 དཔའ་འདིའི་མིང་གཟུངས་སུ་བཟུང་གི་སྟེང་དུ། དགེ་བའི་བཤེས་གཉེན་ཆེན་པོ་གྱིས། མྱ་ངན་ལས་འདས་པའི་ཤེས་རབ་ཀྱི་ཕ་རོལ་དུ་ཕྱིན་པའི་སྟོང་པར་ཐར་པ་ཐོགས་པ་མེད་པ་ཐོབ་བོ། །དེ་ནས་བྱང་ཆུབ་སེམས
16a6 དཔའ་ཆོས་ཀྱི་རྒྱལ་པོས་ས་ལ་གཏུགས་ཏེ་ཕྱག་འཚལ་ནས་ལངས་ཏེ། དེའི་གཞི་ནས་མྱ་ངན་ལས་འདས་པ་ཆེན་པོར་ཞུགས་ནས། སྟོང་པས་གྲོལ་ཐར་པར་གོ་སྟེ། ཆགས་པ་མེད་པའི་ས་ལས་རྐང་པ་བཏེག་པ་དང
16a7 རྐང་པ་བོར་བ་ཀུན་ཀྱང་གཙང་གདང་བ་བསྒྲོད་དེ། ཐལ་མོ་སྦྱར་ནས། སངས་རྒྱས་ལ་ཕྱག་འཚལ་ཏེ་སོང་ངོ་། །ཆོས་ཀྱི་རྒྱལ་པོའི་ཡི་གེ་བམ་པོ་གཅིག་སྟེ་རྫོགས་སོ།། །།
16a8 @#། །རྒྱ་གར་སྐད་དུ། ཨཱརྱ་དྷརྨ་ཎེ་ར་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཆོས་ཀྱི་ཚུལ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ
iiif viewer powered by OpenSeadragon
