| e-texts navigator |
| Wylie |
259b1 པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །ཡང་དེའི་ཚེ་གཅོད་བྱེད་ཀྱི་བུའི་རྒྱལ་པོ་གློག་ལེགས་བཙུན་ལ་སོགས་པ་གཅོད་བྱེད་གྱི་བུའི་རྒྱལ་པོ་ས་ཡ་ཕྲག་བརྒྱད་ལ་གཅོད་བྱེད་ཀྱི་བུའི་རྒྱལ་པོ
259b2 རེ་རེ་ཡང་འཁོར་གཅོད་བྱེད་ཀྱི་བུ་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །
259b3 གཅོད་བྱེད་ཀྱི་བུའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །ཡང་དེའི་ཚེ་རིག་སྔགས་འཆང་གི་རྒྱལ་པོ་རིན་ཆེན་འཛིན་ལ
259b4 སོགས་པ་རིག་སྔགས་འཆང་གི་རྒྱལ་པོ་ས་ཡ་ཕྲག་དྲུག་ལ་རིག་སྔགས་འཆང་གི་རྒྱལ་པོ་རེ་རེ་ཡང་འཁོར་རིག་སྔགས་འཆང་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས
259b5 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་འབྱུང་པོའི་རྒྱལ་པོ་གླང་པོའི་སྙིང་པོ་ལ་སོགས་པ་འབྱུང་པོའི་རྒྱལ་པོ་ས་ཡ་ཕྲག་གསུམ་དང་། བརྒྱད་འབུམ་ལ་འབྱུང་པོའི
259b6 རྒྱལ་པོ་རེ་རེ་ཡང་འཁོར་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་དྲང་སྲོང
259b7 མེས་སྦྱིན་ལ་སོགས་པ་དྲང་སྲོང་ས་ཡ་ཕྲག་དགུ་ལ་དྲང་སྲོང་དེ་དག་ཐམས་ཅད་ཀྱང་མངོན་པར་ཤེས་པ་ལྔ་དང་ལྡན་པ་ཤ་སྟག་སྟེ། བཅོམ་ལྡན་འདས་ག་ལ་བ་དེར་དོང་ནས་ལྷགས་ཏེ། བཅོམ་ལྡན་འདས་ཀྱི་ཞབས་ལ་མགོ
259b8 བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་མཉན་ཡོད་ཀྱི་གྲོང་ཁྱེར་ཆེན་པོ་ནས་ཀོ་ས་ལའི་རྒྱལ་པོ་གསལ་རྒྱལ་འཁོར་འབུམ་ཕྲག་དུ་མ་དང་། དཔུང་གི་ཚོགས་ཡན་ལག་བཞི་པ་དག་དང་།
iiif viewer powered by OpenSeadragon
