| e-texts navigator |
| Wylie |
259a1 སོགས་པ་མི་འམ་ཅིའི་རྒྱལ་པོ་ས་ཡ་ཕྲག་དགུ་དང་བརྒྱད་འབུམ་ལ་མི་འམ་ཅིའི་རྒྱལ་པོ་རེ་རེ་ཡང་འཁོར་མི་འམ་ཅི་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས
259a2 ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །མི་འམ་ཅིའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །ཡང་དེའི་ཚེ་ལྟོ་འཕྱེ་ཆེན
259a3 པོའི་རྒྱལ་པོ་ཡོན་ཏན་ཟླ་བ་ལ་སོགས་པ་ལྟོ་འཕྱེ་ཆེན་པོའི་རྒྱལ་པོ་འབུམ་ཕྲག་མང་པོ་ལ་ལྟོ་འཕྱེ་ཆེན་པོའི་རྒྱལ་པོ་རེ་རེ་ཡང་འཁོར་ལྟོ་འཕྱེ་ཆེན་པོ་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས།
259a4 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོག་གཅིག་ཏུ་འཁོད་དོ། །ལྟོ་འཕྱེ་ཆེན་པོའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། །
259a5 ཡང་དེའི་ཚེ་སྲིན་པོའི་རྒྱལ་པོ་འབྲོག་གནས་ལ་སོགས་པ་སྲིན་པོའི་རྒྱལ་པོ་ས་ཡ་ཕྲག་བརྒྱད་དང་བརྒྱད་འབུམ་ལ་སྲིན་པོའི་རྒྱལ་པོ་རེ་རེ་ཡང་འཁོར་སྲིན་པོ་འབུམ་ཕྲག་གྲངས་མེད་པ་དག་དང་། བཅོམ་ལྡན་འདས་ག་ལ་བ་དེར་དོང་སྟེ
259a6 ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །སྲིན་པོའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར
259a7 རྩེ་བ་ཤ་སྟག་གོ། །ཡང་དེའི་ཚེ་གྲུལ་བུམ་གྱི་རྒྱལ་པོ་དྲོད་ལྡན་ལ་སོགས་པ་གྲུལ་བུམ་གྱི་རྒྱལ་པོ་ས་ཡ་ཕྲག་བདུན་དང་བརྒྱད་འབུམ་ལ་གྲུལ་བུམ་གྱི་རྒྱལ་པོ་རེ་རེ་ཡང་འཁོར་གྲུལ་བུམ་འབུམ་ཕྲག་གྲངས་མེད་པ་དག་དང་།
259a8 བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །གྲུལ་བུམ་གྱི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན
iiif viewer powered by OpenSeadragon
