| e-texts navigator |
| Wylie |
258a1 ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ་ཡང
258a2 དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ། །ཡང་དེའི་ཚེ་འཕྲུལ་དགའི་ལྷའི་རིས་ནས་ལྷའི་དབང་པོ་བརྒྱ་བྱིན་ལ་སོགས་པ་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན
258a3 འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ
258a4 ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ། །ཡང་དེའི་ཚེ་གཞན་འཕྲུལ་དབང་བྱེད་ཀྱི་ལྷའི་རིས་ནས་ལྷའི་རྒྱལ་པོ་དབང་སྒྱུར་ལ་སྩོགས་པ་ལྷའི་བུ་འབུམ་ཕྲག་ཚད་མེད་གྲངས་མེད་པ་དག
258a5 བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ
258a6 ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ། །ཡང་དེའི་ཚེ་ན་ཀླུའི་རྒྱལ་པོ་པད་མ་ཅན་ལ་སོགས་པ་ཀླུའི་རྒྱལ་པོ་ས་ཡ་ཕྲག་གཉིས་དང་བརྒྱད་འབུམ་ལ་ཀླུའི་རྒྱལ་པོ་རེ་རེ་ལ་ཡང་འཁོར་ཀླུ
258a7 འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་ཏེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཀླུའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ
258a8 སེམས་དཔའ་ཆེན་པོ་ཏིང་ངེ་འཛིན་ཐ་དད་པ་ཐོབ་པ་ཤ་སྟག་གོ། །ཡང་དེའི་ཚེ་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་རྒྱལ་པོ་ས་ཡ་ཕྲག་གསུམ་དང་དྲུག་འབུམ་ལ་གནོད་སྦྱིན་གྱི་རྒྱལ་པོ་རེ་རེ་ཡང་འཁོར
iiif viewer powered by OpenSeadragon
