| e-texts navigator |
| Wylie |
256b1 ཇི་སྲིད་ཅིག་ན་སངས་རྒྱས་སུ་འགྱུར་འདིའི་མིང་ཡང་ཇི་སྐད་ཅེས་བགྱི་བར་འགྱུར། བཅོམ་ལྡན་འདས་དེའི་འཇིག་རྟེན་གྱི་ཁམས་ནི་ཅི་འདྲ་བར་འགྱུར། བཀའ་སྩལ་པ། ལྷ་མོ་འདི་ནི་བསྐལ་པ་གྲངས་མེད་པ་ཕྲག
256b2 ལྔ་བརྒྱ་འདས་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
256b3 པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས
256b4 གཙང་ཞིང་བདེན་པའི་མཚམས་འཕེལ་བར་མཛད་པ་ཞེས་བྱ་བར་འགྱུར་རོ། །འཇིག་རྟེན་གྱི་ཁམས་མི་མཇེད་འདི་ཡང་འཇིག་རྟེན་གྱི་ཁམས་གཙང་མ་སྦྱོང་བ་ཞེས་བྱ་བར་འགྱུར་རོ། །བསྐལ་པ་ནི་གཙང་ཞིང་བདེན་པའི
256b5 མཚམས་ཤེས་བྱ་བར་འགྱུར་ཏེ། འཇིག་རྟེན་གྱི་ཁམས་གཙང་མ་སྦྱོང་བ་དེ་འབྱོར་པར་འགྱུར། རྒྱས་པར་འགྱུར། བདེ་བ་དང་། ཉམས་དགའ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བར་འགྱུར་རོ། །འབྱོར་ཅིང
256b6 རྒྱས་པར་གྱུར་པ་དེའི་ཚེ་འཛམ་བུའི་གླིང་འདིར་གྲོང་ཁྱེར་གཙང་མ་བསུང་ལྡན་ཞེས་བྱ་བ་ཞིག་འབྱུང་བར་འགྱུར་ཏེ། གྲོང་ཁྱེར་གཙང་མ་བསུང་ལྡན་དུ་མི་བྱེ་བ་བརྒྱ་སྟོང་ཕྲག་དགུ་བཅུ་རྩ་བརྒྱད་འབྱུང་བར་འགྱུར་རོ། །དཔེ་མེད་པའི་གྲོང
256b7 ཁྱེར་དེར་ར་བ་དང་། ཡང་ཏོག་དང་། བླ་འཚོགས་དང་། འོབས་དཔེ་མེད་པ་དག་ཀྱང་འབྱུང་བར་འགྱུར་རོ། །དག་ཅིང་ཉོན་མོངས་པ་ཞི་བར་བྱེད་པའི་ཆུའི་ཀླུང་ནག་པོ་བཟང་ཞེས་བྱ་བ་ནི་དེའི་ཚེ་གཙང་མ་བཟང་པོ་ཞེས་བྱ་བར་འགྱུར་ཏེ། འགྲམ
256b8 ཕ་རོལ་ཚུ་རོལ་དཔེ་མེད་པའི་ཤིང་ལྗོན་པའི་ཀུན་དགའ་ར་བ་ཉམས་དགའ་བ་དང་ལྡན་པར་འགྱུར་རོ། །འཇིག་རྟེན་གྱི་ཁམས་གཙང་མ་སྦྱོང་བ་དེ་ཡང་འདི་ལྟའ་ལྟེ་དཔེར་ན་དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ
iiif viewer powered by OpenSeadragon
