| e-texts navigator |
| Wylie |
255b1 རྒྱལ་པོར་དབང་བསྐུར་ལ་རྒྱལ་པའི་ཕོ་བྲང་དུ་དེ་འདྲ་བའི་གཞོན་ནུ་འགའ་ཞིག་མིང་ཁྱེར་ཙམ་དུ་བཞག་སྟེ། དེ་ལྟར་བྱས་ན་ལེགས་སོ་སྙམ་མོ། །དེ་ནས་ལྷ་མོ་དེ་དང་། རྒྱལ་བུ་གཞོན་ནུ་དེ་རྒྱལ་པོ་བྱེད་དུ་བཅུག་སྟེ། ཕོ་འུད་ཏི
255b2 མོ་འུད་ཏི་བཞིན་དུ་སྙད་བཏགས་ནས་བདག་ཉིད་ཀྱི་ཡུལ་དུ་བདག་ཉིད་ཀྱིས་བུད་མེད་ཀྱི་གཟུགས་ཀྱིས་རྒྱལ་སྲིད་ཆེན་པོ་ཡོངས་སུ་སྤྱད་དེ། མུ་སྟེགས་ཅན་ངན་པའི་སྡེ་མངོན་པར་འདུལ་བར་བྱེད་ཅིང་འཛམ་བུའི་གླིང་གིས་གཞི་ཐམས
255b3 ཅད་དེ་བཞིན་གཤེགས་པའི་མཆོད་རྟེན་གྱི་མངོན་མཚན་ཅན་དུ་བྱས་ནས་བཀུར་སྟིར་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་དེ། རིན་པོ་ཆེ་ཐམས་ཅད་ཀྱི་གདུགས་ཆེན་པོ་དང་། རིན་པོ་ཆེ་ཐམས་ཅད་ཀྱི་བ་དན་རྣམས
255b4 དང་། རིན་པོ་ཆེ་ཐམས་ཅད་ཀྱི་རྣམ་པར་རྒྱལ་བའི་བ་དན་རྣམས་དང་། སྤོས་ཐམས་ཅད་ཀྱིས་བསྒོས་པའི་ཙན་དན་གྱི་ཕྱེ་མ་དང་། སྤོས་དང་། མེ་ཏོག་ཐམས་ཅད་དང་། རྔ་པ་ཏ་ཧ་དང་། ཁར་རྔ་དང་། རྫ་རྔ་དང་། པི་བང་དང་། གླིང
255b5 བུ་དང་། སིལ་སྙན་བརྒྱ་ཕྲག་ཐམས་ཅད་ཀྱིས་མཆོད་པ་བྱས་ནས་འཛམ་བུའི་གླིང་ཐམས་ཅད་བསྐོར་ཏེ། དགེ་སློང་ཚུལ་ཁྲིམས་དང་ལྡན་པ་དང་། ཡོན་ཏན་དང་ལྡན་པ་རྣམས་ལ་ཆོས་གོས་དང་། བསོད་སྙོམས་དང་མལ་སྟན་དང་།
255b6 ན་བའི་གསོས་སྨན་དང་། ཡོ་བྱད་རྣམས་དང་ལྡན་པར་བྱས་ཏེ། ཕ་རོལ་དུ་ཕྱིན་པ་བཅུའི་སྤྱད་པ་སྤྱོད་ཅིང་རྟག་ཏུ་བསླབ་པའི་གཞི་ལྔ་བཟུང་ནས་དབུལ་པོ་ལ་སོགས་པ་ཁྱིམ་བཀོལ་གྱི་སེམས་ཅན་ཐམས་ཅད་གང་དང་གང་ལ་ཅི་དང
255b7 ཅིས་དོན་དུ་འགྱུར་བ་དེ་དང་དེ་ལ་དེ་དང་དེ་བྱིན་ནས་འདུ་ཤེས་བཅུའི་བསྡུ་བས་བསྡུས་ཏེ་སྤྱོད་པར་བྱེད་ཅིང་། སེམས་ཅན་བྱེ་བ་ཕྲག་མང་པོ་དག་རིམས་བཞིན་དུ་བཏུལ་ཏེ་སེམས་ཅན་དེ་དག་གི་དགེ་བའི་རྩ་བ་ཡོངས་སུ་སྨིན་པར་ཤེས
255b8 ནས། སྤྲིན་ཆེན་པོའི་མདོ་འདི་ལ་སོགས་པ་དེ་བཞིན་གཤེགས་པ་ཐམས་ཅད་ཀྱིས་གསུངས་པ་མཚུངས་པ་མེད་པའི་མདོ་རིན་པོ་ཆེའི་དམ་པའི་ཆོས་བསྟན་པ་འབྱུང་བར་བྱ་བའི་ཕྱིར་ཅིའི་ཐབས་ཀྱིས་ཀྱང་མཚུངས་པ
iiif viewer powered by OpenSeadragon
