| e-texts navigator |
| Wylie |
243b1 པ་མེད་པ་དང་། བདག་དང་། སེམས་ཅན་དང་། སྲོག་དང་། གང་ཟག་ཉིད་ཡིན་ཏེ། སྤྲིན་ཆེན་སྙིང་པོ་དེ་བས་ན་རྟག་པ་དང་། ཐེར་ཟུག་པ་དང་། བརྟན་པའོ་ཞེས་ང་སྨྲའོ། །སྤྲིན་ཆེན་སྙིང་པོ་ངས་ཉན་ཐོས་ཀྱི
243b2 ཐེག་པར་དགེ་སློང་དག་ཡོངས་སུ་གཟུང་བར་བྱ་བ་གང་ཡིན་པ་དེ་ཡོངས་སུ་གཟུང་བར་གྱིས་ཤིག་། ཡོངས་སུ་གཟུང་བར་བྱ་བ་རྟག་པ་དང་། ཐེར་ཟུག་པ་དང་། བརྟན་པ་དང་། བདག་བླང་བར་བྱ་བ་བླང་བར་གྱིས་ཤིག་།ལྟ་བའི
243b3 རྟེན་དུ་གྱུར་པ་རྟག་པ་དང་། ཐེར་ཟུག་པ་དང་། བརྟན་པ་དེ་ལ་རྟེན་ཅིག་ཅེས་བསྟན་ཏེ། གསལ་བའི་དོན་མི་མངོན་པར་བྱས་ནས་གསལ་བར་ངས་བསྟན་པ་དེ་འཇིག་རྟེན་གྱིས་ཁོང་དུ་མི་ཆུད་དེ། སེམས་ཅན་བསོད་ནམས་ཆུང
243b4 ངུ་དག་ནི་ཐར་པ་ལ་ཟད་པར་སེམས་ཤིང་དེ་བཞིན་གཤེགས་པ་ཡོད་བཞིན་དུ་ཡོངས་སུ་མྱ་ངན་འདས་སོ་ཞེས་ཡོངས་སུ་མྱ་ངན་ལས་འདས་པའི་འདུ་ཤེས་ལ་འཇུག་སྟེ། སྲོག་ཆགས་ཕྱེ་མ་ལེབ་མར་མེའི་ནང་དུ་ལྟུང་བ
243b5 བཞིན་ནོ། །འདི་ལྟ་སྟེ་དཔེར་ན་ཚོང་པའི་བུ་ཐམས་ཅད་དཔྱིད་གྱི་དུས་ཚིགས་སུ་ག་ཞིག་ཏུ་འདུས་ནས་རྫིང་བུ་ཆུ་ཆེན་པོའི་ནང་དུ་ཁྲུས་བྱེད་ལ། དེའི་ནང་དུ་གཅིག་གིས་ནོར་བུ་རིན་པོ་ཆེ་འོད་ཐམས་ཅད་དང་ལྡན་པ་ཞེས་བྱ་བ་བོར
243b6 ནས། ནོར་བུ་རིན་པོ་ཆེ་དེའི་གཟི་བརྗིད་ཀྱི་མཐུས་ཀྱང་རྫིང་བུའི་ཆུའི་ཕུང་པོ་རུས་པ་དང་། གསེག་མ་དང་། གྱོ་མོ་དང་། རྡོ་ཡོད་པ་གང་ཡིན་པ་དེ་དག་ཐམས་ཅད་རྣམ་པར་མཛེས་པར་གྱུར་ཏེ། དེར་ཟླ་བ་དང་། ཉི་མའི
243b7 འོད་ཀྱང་ལྷན་ནེ། ལྷང་ངེར་མི་འདུག་གོ། །དེ་ནས་སྐྱེ་བོ་མང་པོས་ནོར་བུ་དེ་བཙལ་བའི་ཕྱིར་བརྐོ་བ་དག་གིས་རྐོ་བར་བྱེད་དེ། །དེའི་ནང་ནས་ཅི་ཡང་རུང་བ་ཞིག་བླངས་ནས་ནོར་བུ་དེ་རྙེད་དོ་སྙམ་དུ་སེམས་ཏེ། ཡིད་རབ་ཏུ་དགའ
243b8 བར་བྱེད་དོ། །དེ་ནས་སེམས་ཅན་དེ་དག་རྫིང་བུའི་འགྲམ་དུ་འཁོད་ནས་སོ་སོར་རློམ་སེམས་སུ་གྱུར་ན། འདི་ཇི་སྙམ་དུ་སེམས་བདག་ཅག་གིས་མ་རྙེད་དོ་སྙམ་དུ་སེམས་པར་འགྱུར་རམ། དེ་ནས་སེམས་ཅན་དེ་དག་ཐམས
iiif viewer powered by OpenSeadragon
