| e-texts navigator |
| Wylie |
242a1 སྐད་གསུང་ན་ནི་འདིའི་གཏན་ཚིགས་བཀའ་སྩལ་འཚལ་ལོ། །འདི་ནི་སེམས་ཅན་རྣམས་ལ་ཡང་འགལ་བ་ཆེན་པོར་འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་འཇིག་རྟེན་གྱི་བྱ་བ་ཐམས
242a2 ཅད་ནི་མི་རྟག་པའི་ཆོས་ཡིན་ནོ་ཞེས་ཀྱང་བཀའ་སྩལ་ན། དཔེ་ལྔ་པོ་འབྲུ་དང་། ཤིང་ལ་སོགས་པ་འབྲས་བུ་ཉིད་དུ་གྱུར་པ་ན་དེ་དག་ཇི་ལྟར་སླར་འཇིག་པར་མི་འགྱུར། གལ་ཏེ་འཇིག་པར་འགྱུར་ན་ནི་སེམས་ཅན་ཡང་འཇིག
242a3 པར་འགྱུར་བས་དེ་དང་འདྲ་བར་ཆོས་ཐམས་ཅད་ཀྱང་མི་རྟག་པར་ཡང་དག་པར་འདུ་བར་འགྱུར་རོ་ཞེས་བདག་མཆི་སྟེ། ཞིག་གོ་འཚལ་ནི་སླར་སྐྱེའོ་ཞེས་བདག་མཆིའོ། །བདག་ནི་སེམས་ཅན་རྣམས་ལ་རྣམ་པ་གཉིས་སུ་མི་རྟོག
242a4 སྟེ། འདིར་གུམ་པ་རྣམས་གཞན་དུ་སྐྱེ་བ་སོ་སོར་ལེན་པར་འགྱུར་རོ་ཞེས་བདག་མཆིའོ། །དེ་བས་ན་ཆོས་ཐམས་ཅད་ནི་མི་རྟག་གོ་ཞེས་བདག་མཆི་སྟེ། འཇིག་རྟེན་འདི་ན་རྟག་པའི་ཆོས་ཅི་འང་ཡང་དག་པར་མ་མཐོང་ངོ་། །
242a5 གལ་ཏེ་དེ་ལྟར་གྱུར་ན་རྟག་པ་དང་། མི་རྟག་པའི་དོན་གཉིས་ཀ་མ་མཆིས་སོ་ཞེས་བདག་མཆི་མོད་ཀྱི། བཅོམ་ལྡན་འདས་ཀྱི་ཞལ་ནས་ཤོ་བེ་བྱུང་ངོ་ཞེས་ཀྱང་ཇི་སྐད་བགྱི། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང
242a6 པོ་ཅི་དར་གྱི་སྲིན་བུ་ལྟར་བདག་ཉིད་དཀྲི་བར་སེམས་སམ། འདི་ན་མི་ལ་ལ་དེ་འདྲ་བའི་ཕྱིར་ཀྱེ་མ་ཁྱོད་ཀྱི་བཞིན་ཟླ་བ་འདྲའོ་ཞེས་ཟླ་བ་ལས་དཔེ་ལེན་པར་བྱེད་ལ། མི་གཞན་ཞིག་གིས་ནི་ཀྱེ་མ་གླང་པོ་ཆེའི་དབང་པོ་རི་དང་འདྲའོ་ཞེས
242a7 རི་ལས་དཔེ་ལེན་པར་བྱེད་ན། ཅི་ཟླ་བ་བཞིན་དང་འདྲ་བར་འགྱུར་འམ། རི་ཡང་གླང་པོ་ཆེ་དང་འདྲ་བར་འགྱུར་རམ་ཞེས་བརྗོད་དགོས་སོ། །གསོལ་པ། འདི་ནི་དཔེར་བགྱི་བ་ལགས་ཤེས་བདག་མཆིའོ། །བཀའ་སྩལ་པ། སྤྲིན་ཆེན
242a8 སྙིང་པོ་བརྟན་པའི་དཔེ་ནི་འཇིག་རྟེན་ཐམས་ཅད་ན་མེད་དེ། དེ་དང་འདྲ་བ་ཙམ་གྱི་ཕྱིར་དཔེ་རྣམ་པ་ལྔ་པོ་འདི་དག་ངས་དཔེར་བྱས་མོད་ཀྱི། འདི་ལ་གནས་པའི་བྱང་ཆུབ་སེམས་དཔའ་ལ་ནི་དཔེ་མེད་པར་རིག་པར་བྱའོ། །གསོལ་པ།
iiif viewer powered by OpenSeadragon
