| e-texts navigator |
| Wylie |
233a1 ཉོན་མོངས་པའི་ནམ་མཁའ་ལ་ལྡང་བར་བྱེད་ཅིང་། སེམས་ཅན་ཐམས་ཅད་ལ་རང་དབང་མེད་པར་སྤུ་དང་། ཡན་ལག་ཐམས་ཅད་ཀྱི་རྩ་བའི་ནང་དུ་ཞུགས་ནས་སྡིག་པ་གྲངས་མེད་པ་རྣམས་དང་།
233a2 ལས་ཀྱི་མེའི་ཕུང་པོ་རྣམས་སེལ་པར་བྱེད་དོ། །སྤྲིན་ཆེན་སྙིང་པོ་གཞན་ཡང་འདི་ལ་གནས་པའི་བྱང་ཆུབ་སེམས་དཔའ་ནི་རྒྱུན་དུ་ཞུགས་པའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་། །ལན་ཅིག་ཕྱིར་འོང
233a3 བའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་། །ཕྱིར་མི་འོང་བའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་། །དགྲ་བཅོམ་པའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་། །དེ་བཞིན་གཤེགས་པའི
233a4 མཚན་མཐའ་ཡས་པའི་ཕྱིར་ཡང་ཚུལ་ཁྲིམས་མི་སྲུང་ངོ་། །དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་ཚུལ་ཁྲིམས་མི་སྲུང་ངོ་། །དེ་བཞིན་གཤེགས་པའི་བསམ་གྱིས་མི་ཁྱབ་པའི་གནས་ཀྱི་ཕྱིར
233a5 ཡང་ཚུལ་ཁྲིམས་མི་སྲུང་ངོ་། །དེ་བཞིན་གཤེགས་པའི་དཔག་ཏུ་མེད་པ་ཉིད་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ་། །དེ་བཞིན་གཤེགས་པའི་མཚུངས་པ་མེད་པ་ཉིད་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ་། །དེ་བཞིན
233a6 གཤེགས་པའི་མཚན་གྱི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་བསམ་གྱིས་མི་ཁྱབ་པའི
233a7 གནས་ཀྱི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་དཔག་ཏུ་མེད་པའི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་མཚུངས་པ་མེད་པའི་ཕྱིར་ཡང་སེམས་གནས་པར
233a8 མི་སྒོམ་མོ། །དེ་བཞིན་གཤེགས་པའི་གྲངས་མེད་པའི་ཕྱིར་ཡང་སེམས་གནས་པར་མི་སྒོམ་མོ། །དེ་བཞིན་གཤེགས་པའི་ཡོན་ཏན་དཔག་ཏུ་མེད་པ་དང་ལྡན་པའི་ཕྱིར་ཡང་སེམས་གནས་པར་མི་སྒོམ་མོ། །
iiif viewer powered by OpenSeadragon
