| e-texts navigator |
| Wylie |
232b1 འདི་སྙམ་དུ་བདག་གིས་རྩ་བ་ལས་ཏིང་ངེ་འཛིན་བཟུང་ངོ་། །རྒྱུད་ལས་བཟུང་ངོ་། །ཚིགས་སུ་བཅད་པ་ལས་བཟུང་ངོ་། །ཚིག་ལས་བཟུང་ངོ་། །ཚིག་ཕྱེད་ལས་བཟུང་ངོ་། །མིང་ལས་བཟུང་ངོ་། །དེ་བཞིན་གཤེགས་པ་རྟག་གོ་ཞེས་བྱ་བའི
232b2 ཡི་གེ་འབྲུ་གཉིས་ལས་བཟུང་ངོ་སྙམ་དུ་མི་སེམས་ཏེ། རྣམ་པར་རྟོག་པ་དེ་དག་མེད་དོ། །རྣམ་པར་རྟོག་པ་མེད་དུ་ཟིན་ཀྱང་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལས་གང་ཡང་རུང་བ་འམ། སྤྱོད་པ་པ་འམ།
232b3 ཀུན་ཏུ་རྒྱུ་འམ། གཅེར་བུ་པ་ལ་སོགས་པ་འམ། ལུས་ཡོངས་སུ་མ་སྦྱངས་པ་འམ། ཤེས་རབ་ཡོངས་སུ་མ་སྦྱངས་པ་འམ། སེམས་ཡོངས་སུ་མ་སྦྱངས་པ་ཡང་རུང་སྟེ། འཕྱ་བ་འམ། སྟིང་བའི་ཕྱིར་རམ། རང་གི
232b4 ཁ་ནས་བྱུང་ངམ། གཞན་གྱི་གཡམ་ལ་བྱུང་བ་འམ། རྙེད་པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་ཡང་རུང་སྟེ། མཉན་ཏམ་བཟུང་ན་དེ་དག་གི་སྡིག་པ་གྲངས་མེད་པ་བྱས་པ་དང་། ལས་དེ་དག་ལུས་འདི
232b5 ཉིད་ཀྱི་ཚེ་བྱུང་བར་འགྱུར་ལ། འདོད་ཆགས་དང་། ཞེ་སྡང་དང་གཏི་མུག་གི་ཉོན་མོངས་པ་ལ་སོགས་པའི་ནད་འབྱུང་བའི་ཕྱིར་ཞུགས་པ་ཡང་མ་ཡིན་ནོ། །སྤྲིན་ཆེན་སྙིང་པོ་དཔེར་ན་ཉི་མ་ཤར་མ་ཐག་ཏུ་ཁ་བ་དང་། མུན་པའི
232b6 ཚོགས་ཆེན་པོ་རྨེག་མེད་པར་འགྱུར་རོ། །དེ་བཞིན་དུ་ཏིང་ངེ་འཛིན་གྱི་ཉི་མ་རྟག་པ་འདི་ཤར་མ་ཐག་ཏུ་སེམས་ཅན་ཐམས་ཅད་ཀྱི་སྡིག་པ་དང་། ལས་ཀྱི་ཚོགས་ཀྱི་ཁ་བ་དང་། མུན་པ་དང་། སྤྲིན་དང་། སྒྲིབ་པ་རྣམས་རྨེག་མེད་པར
232b7 འགྱུར་རོ། །འཕགས་པ་སྤྲིན་ཆེན་པོའི་མདོ། བམ་པོ་དགུ་པ། སྤྲིན་ཆེན་སྙིང་པོ་གཞན་ཡང་དཔེར་ན་རླུང་ནི་ནམ་མཁའ་ལ་ལངས་ནས་སེམས་ཅན་ཐམས་ཅད་ལ་རང་དབང་མེད་པར་སྤུ་དང་།
232b8 ལུས་ཀྱི་ཡན་ལག་ཐམས་ཅད་ཀྱི་རྩ་བའི་ནང་དུ་ཞུགས་ནས་མེའི་ཕུང་པོ་འཇིལ་བར་བྱེད་དོ། །དེ་བཞིན་དུ་འདིར་ཡང་ཏིང་ངེ་འཛིན་ཀྱིས་དེ་བཞིན་གཤེགས་པའི་ཡོན་ཏན་རྟག་པ་ཉིད་ཀྱི་ཡོན་ཏན་གྱིས་བསྒོས་པའི་རླུང
iiif viewer powered by OpenSeadragon
