| e-texts navigator |
| Wylie |
232a1 ལས་དེ་བཞིན་གཤེགས་པ་རྟག་པའི་ཆེ་བ་ཉིད་ཀྱི་ཡོན་ཏན་ནུབ་པར་མི་འགྱུར་བའི་བསྟན་པ་འཁོར་བཞི་ལས་གང་ཡང་རུང་བ་འམ། སྤྱོད་པ་པ་འམ། ཀུན་དུ་རྒྱུ་འམ། གཅེར་བུ་པ་ལ་སོགས་པ་ལ
232a2 འཆད་ཅིང་སྟོན་པར་བྱེད་དམ། ཡང་ན་འཕྱ་བ་འམ། སྟིང་བ་འམ། གཞན་གྱི་གཡམ་ལ་བྱ་བ་འམ། འཚོ་བའི་ཐབས་ཀྱི་རྒྱུར་བྱ་བའི་ཕྱིར་རམ། རྙེད་པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་དེ་བཞིན
232a3 གཤེགས་པ་རྟག་གོ་ཞེས་ཚིག་ཏུ་རྗོད་པ་ཙམ་གྱིས་བསོད་ནམས་ཀྱི་ཕུང་པོ་གང་ཡིན་པའི་བརྒྱའི་ཆར་ཡང་མི་ཕོད། སྟོང་གི་ཆར་ཡང་མི་ཕོད་པ་ནས་རྒྱུའི་བར་དུ་ཡང་མི་བཟོད་དོ། །སྤྲིན་ཆེན་སྙིང་པོ་འདི་ལྟ་སྟེ། དཔེར་ན
232a4 སྨན་གྱི་རྒྱལ་པོ་རྩིའི་སྡོང་བུ་དེའི་རྩ་བ་ཁྱེར་རམ། ཤུན་ཕྲགས་སམ། པྲི་འམ། ལོ་མ་འམ། མེ་ཏོག་གམ། འབྲས་བུ་འམ། མགོ་ཐོགས་སམ། སྡོང་བུ་འམ། ཡལ་ག་འམ། བུར་མ་འམ། རྩ་བ་དག་ཁྱེར་ཡང
232a5 རུང་སྟེ། དེ་འདི་སྙམ་དུ་བདག་གི་རྩ་བ་ཁྱེར་རོ། །བདག་གི་ཤུན་ཕྲགས་ཁྱེར་རོ། །བདག་གི་པྲི་ཁྱེར་རོ། །བདག་གི་ལོ་མ་ཁྱེར་རོ། །བདག་གི་མེ་ཏོག་ཁྱེར་རོ། །བདག་གི་འབྲས་བུ་ཁྱེར་རོ། །བདག་གི་མགོ་ཐོགས་ཁྱེར་རོ། །
232a6 བདག་གི་སྡོང་བུ་ཁྱེར་རོ། །བདག་གི་ཡལ་ག་ཁྱེར་རོ། །བདག་གི་བུར་མ་ཁྱེར་རོ། །བདག་གི་རྩ་བ་དག་ཁྱེར་རོ་སྙམ་དུ་མི་སེམས་སོ། །རྩིའི་སྡོང་བུ་ལ་རྣམ་པར་རྟོག་པ་ཡོང་མེད་དོ་རྣམ་པར་རྟོག་པ་མེད་དུ་ཟིན་ཀྱང
232a7 སེམས་ཅན་རབ་འབྲིང་ཐ་མ་ཐམས་ཅད་ལ་འོ་མ་འམ། ཞོ་འམ། མར་རམ། འབྲུ་མར་རམ། སྨན་ཅི་འང་རུང་བ་དག་དང་སྦྱར་བ་འམ། སྨན་ཐམས་ཅད་དང་བསྲེས་པའི་མདེ་གུ་འམ། བཏུང་བ་འམ། ལུས་བསྐུ་བས་ནད་སེལ་བར་བྱེད་དོ། །
232a8 དེ་བཞིན་དུ་ཏིང་ངེ་འཛིན་འདི་ཉན་པ་ཡང་རྩ་བ་འམ། རྒྱུད་དམ། ཚིགས་སུ་བཅད་པ་འམ། ཚིག་གམ། ཚིག་གི་ཕྱེད་དམ། མིང་ངམ། དེ་བཞིན་གཤེགས་པ་རྟག་གོ་ཞེས་བྱ་བའི་ཡི་གེ་འབྲུ་གཉིས་ཀྱིས་ཉན་པ་དང་། དེ
iiif viewer powered by OpenSeadragon
