| e-texts navigator |
| Wylie |
231b1 ནཟ་ཞེས་སེམས་གཅིག་བསྐྱེད་པའི་ནང་དུ་ཆུད་ཅིང་འདུས་སོ། །འདི་ལྟ་སྟེ། དཔེར་ན་སྟོན་གྱི་དུས་ན་སྤྲིན་མེད་པའི་ནམ་མཁའ་ལས་ཉི་མ་ཤར་ན་ནམ་མཁའ་ལ་དྲི་མར་གྱུར་ཅིང་སྒྲིབ་པའི་རང་བཞིན་ཇི་སྙེད་ཡོད་པ
231b2 དེ་དག་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེར་འདུག་གོ། །སྤྲིན་ཆེན་སྙིང་པོ་དེ་བཞིན་དུ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ལས་དེ་བཞིན་གཤེགས་པ་རྟག་པ
231b3 དང་། ཐེར་ཟུག་པ་དང་། བརྟན་པ་དང་། ཞི་བ་དང་། བསྟན་པ་ནུབ་པར་མི་འགྱུར་བའི་འོད་ཟེར་མཐའ་ཡས་པ་དང་ལྡན་པའི་ཉི་མ་རྟག་པ་ཤར་བ་ན་ལྡེམ་པོ་ངག་གི་ནམ་མཁའ་ལ་ཇི་སྙེད་ཡོད་པ་ཐམས་ཅད་ཟིལ་གྱིས
231b4 མནན་ནས་ལྷམ་མེ། ལྷན་ནེ་དང་ལྷང་ངེར་གསལ་བར་འགྱུར་རོ། །སྤྲིན་ཆེན་སྙིང་པོ་གཞན་ཡང་འདི་ན་མི་ལ་ལ་ཞིག་རླུང་གི་རྒྱལ་པོ་བཞིའི་མཐུ་ཅན། སྟོབས་དང་ལྡན་པ། ལྷའི་ལོ་བརྒྱ
231b5 ཐུབ་པ་ཞིག་བྱུང་ལ་མི་དེ་ཡང་ཉིན་པར་ལམ་དུ་ཞུགས་ཏེ། འཇིག་རྟེན་གྱི་ཁམས་དུ་མར་སོང་ནས་ཕྱིར་རང་གི་གནས་སུ་ལྡོག་པར་བྱེད་ཅིང་ནུབ་མོ་ཡང་ལམ་དུ་ཞུགས་ནས་འཇིག་རྟེན་གྱི་ཁམས
231b6 དུ་མ་བསྐོར་ཏེ། ཕྱིར་རང་གི་གནས་སུ་ལྡོག་པར་བྱེད་པ་དེ་ལྟ་བུར་ཉིན་མཚན་དུ་ལམ་དུ་ཞུགས་པས་ཇི་ཙམ་ཕྱིན་པ་དེ་སྙེད་རིན་པོ་ཆེ་སྣ་བདུན་གྱིས་རང་གི་ལུས་ཀྱི་འཕང་ཙམ་དུ
231b7 གང་བར་བྱས་ནས་སྦྱིན་པ་བྱིན་ཏེ། ཐབས་དེ་དག་ལྟ་བུར་བར་ཆད་དང་། སྐྱོན་མ་བྱུང་བར་སྦྱིན་པ་བྱིན་ན་སྤྲིན་ཆེན་སྙིང་པོ་ཅི་གཞི་དེ་ལས་དེ་བསོད་ནམས་མང་དུ་སྐྱེད་དམ། གསོལ
231b8 བཅོམ་ལྡན་འདས་ཚད་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་དེ་ལྟ་བུའི་སྦྱིན་པ་དེ་ལས་བྱུང་བའི་བསོད་ནམས་ཀྱི་ཕུང་པོ་གང་ཡིན་པ་དེ་ནི་ཏིང་ངེ་འཛིན་འདི
iiif viewer powered by OpenSeadragon
