| e-texts navigator |
| Wylie |
222a1 ཇི་ལྟར་ན་ཐབས་ཀྱིས་ཡོངས་སུ་མྱ་ངན་ལས་འདས་པར་བརྗོད་ཀྱི་གཏན་དུ་མྱ་ངན་ལས་འདས་པ་ནི་མ་ཡིན། སྨྲས་པ། མཐོང་ན་དགའ་བ་དྲི་ཟའི་རྒྱལ་པོ་ཁྱོད་ལེགས་སོ་ལེགས་སོ། །ཁྱོད་ཀྱིས་ཐབས་ཀྱིས་ཡོངས་སུ
222a2 མྱ་ངན་ལས་འདས་པར་བརྗོད་ཀྱི། གཏན་དུ་ཡོངས་སུ་མྱ་ངན་ལས་འདས་པ་ནི་མ་ཡིན་ཞེས་ཚིག་འདི་ལེགས་པར་སྨྲས་པ་ནི་མཐོང་ན་དགའ་བ་དྲི་ཟའི་རྒྱལ་པོ་ཁྱོད་ལེགས་སོ། །མཐོང་ན་དགའ་བ་དྲི་ཟའི་རྒྱལ་པོ་གཞན་ཡང
222a3 ཐམས་ཅད་དང་ཐུན་མོང་པའི་ཚད་ནི་རྟོགས་པར་ནུས་ཀྱི། སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ནི་གཅིག་གི་ཚད་ཀྱང་རྟོགས་པར་མི་ནུས་སོ། །སྨྲས་པ་བཙུན་པ་འོད་སྲུང་ཆེན་པོ་ཡུན་ཇི་སྲིད་ཅིག་ན་དེ་བཞིན་གཤེགས་པ
222a4 གཏན་དུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་འགྱུར། སྨྲས་པ། གང་གིས་ཚེ་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ཞིང་། མངོན
222a5 པར་རྫོགས་པར་སངས་རྒྱས་ནས་ཀྱང་ཡོངས་སུ་མྱ་ངན་ལས་འདས་པར་འགྱུར་བ་དེའི་ཚེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་འགྱུར་རོ། །སྨྲས་པ། །བཙུན་པ་འོད་སྲུང་ཆེན་པོ་དེ་བཞིན་གཤེགས་པའི་ཡོན་ཏན
222a6 གྱི་ཆེ་བ་ཉིད་ནི་ངོ་མཚར་ཆེ་སྟེ། འདི་ལྟ་བུ་ཐོས་ན་སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མི་བྱེད། སྨྲས་པ། བཙུན་པ་བཅོམ་ལྡན་འདས་དེ་བཞིན་གཤེགས་པ་རྟག་པ་དང་། ཐེར་ཟུག
222a7 པ་དང་། བརྟན་པ་དང་། མི་བསྐྱོད་པ་དང་། དཔེ་མེད་པ་དང་། བསམ་གྱིས་མི་ཁྱབ་པ་ནི་ཉན་ཐོས་དང་། རང་སངས་རྒྱས་རྣམས་ཀྱི་ཡུལ་མ་ཡིན་ཏེ། དེ་བཞིན་གཤེགས་པ་དག་ནི་དེ་བཞིན་གཤེགས་པ་ཉིད་ཀྱིས་མཁྱེན་པར
222a8 ཟད་དོ། །རིགས་ཀྱི་བུ་བྱང་ཆུབ་སེམས་དཔའི་སྤྱོད་པ་ལ་བཏང་སྙོམས་སུ་གྱིས་ཤིག་།འོད་སྲུང་ཆེན་པོས་བསྟན་པ་འདི་བཤད་པ་ན་ལྷའི་བུ་ས་ཡ་དང་ཉིས་འབུམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ
iiif viewer powered by OpenSeadragon
