| e-texts navigator |
| Wylie |
211a1 ཐམས་ཅད་ཀྱི་ཡུལ་གྱི་ཞུ་བའི་རྒྱལ་པོ་ལེགས་པར་ཞུས་པ་ནི་ལེགས་སོ། །བྲམ་ཟེ་ཆེན་པོ་ཁོ་བོ་ལས་ཉོན་ཅིག་དང་། དེ་བཞིན་གཤེགས་པའི་མཐུ་དང་། ཁོ་བོ་ཅག་གི་ཡུལ་ལ་འཇུག་པའི་ཚུལ་གྱིས་ཁོ་བོས
211a2 བཤད་པར་བྱའོ། །བྲམ་ཟེ་ད་ཕྱིན་ཆད་དེ་སྐད་མ་ཟེར་བར་གཞན་མ་ཡིན་པར་ཡིད་ལ་སོམས་ཤིག་།ལྷ་སྦྱིན་དྲུག་སྡེའི་འཁོར་དང་བཅས་པ་ནི་དེ་བཞིན་གཤེགས་པ་ལ་ཤིན་དུ་བྱས་པ་གཟོ་བ་ཡིན་ནོ། །ལྷ་སྦྱིན་ནི་མཆོག་ཏུ
211a3 དཀའ་བ་བྱེད་པ་ཡིན་ནོ། །ལྷ་སྦྱིན་ནི་དེ་བཞིན་གཤེགས་པའི་རིགས་ལ་སྙིང་བརྩེ་བ་ཅན་ཡིན་ནོ། །ལྷ་སྦྱིན་ནི་དེ་བཞིན་གཤེགས་པའི་ཕྲིན་ལས་ཀྱི་མཐའ་ཡིན་ནོ། །ལྷ་སྦྱིན་ནི་དེ་བཞིན་གཤེགས་པའི་ཡོན་ཏན་གྱི་བདག
211a4 ཉིད་ཆེན་པོ་སྟོན་པ་ཡིན་ནོ། །ལྷ་སྦྱིན་དྲུག་སྡེའི་འཁོར་དང་བཅས་པ་ནི་སེམས་ཅན་བྱེ་བ་ཕྲག་མང་པོ་བསོད་ནམས་ལ་རབ་ཏུ་འགོད་པ་ཡིན་ནོ། །བྲམ་ཟེ་ཆེན་པོ་སེམས་ཅན་ཐམས་ཅད་ཀྱིས་ནི་དེ་བཞིན་གཤེགས་པ་དགྲ་བཅོམ
211a5 པ་ཡང་དག་པར་རྫོགས་པའི་སངས་རྒྱས་རྣམས་ལ་ཁྲག་འབྱིན་མི་ནུས་སོ། །དེ་བཞིན་གཤེགས་པའི་སྐུ་ནི་ཤིང་གི་གྲིབ་མ་ལྟ་བུར་བལྟ་སྟེ། འདི་ནི་ཐབས་ཡིན་པར་བལྟ་བར་བྱའོ། །བྲམ་ཟེ་ཆེན་པོ་ཤཱཀྱའི་རིགས་འདི་ནི་དག
211a6 ཅིང་རྣམ་པར་དག་ལ་བསམ་གྱིས་མི་ཁྱབ་པོ། །ཤཱཀྱའི་རིགས་ཀྱི་ནང་ན་ནི་ཚུལ་ཁྲིམས་འཆལ་པ་འགའ་ཙམ་ཡང་མེད་དེ་མི་སྲིད་དོ། །དེ་བཞིན་གཤེགས་པ་ནི་འབྲས་བུ་ཡོད་པའི་ཆོས་སྟོན་པ་ཡིན་ནོ། །དེ་བཞིན་གཤེགས
211a7 པ་ནི་ཙན་དན་དང་བཻ་དཱུརྱ་ལྟ་བུའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པ་ནི་མི་ཕྱེད་པའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པ་ནི་སེང་གེའི་རིགས་ཀྱི་རྒྱལ་པོ་ཆེན་པོ་དང་། སྟག་ལྟ་བུའི་འཁོར
211a8 དང་ལྡན་པ་ཡིན་ནོ། །དེ་བཞིན་གཤེགས་པ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པའི་འཁོར་ནི་མེ་མདག་ཐལ་བས་གཡོགས
iiif viewer powered by OpenSeadragon
