| e-texts navigator |
| Wylie |
210a1 ངན་ལས་འདས་པར་ཡོངས་སུ་མྱ་ངན་ལས་འདའ་བར་མི་བྱེད་དོ། །གཟུགས་ཐམས་ཅད་སྣང་བར་སྟོན་ཀྱང་གཟུགས་ཀྱིས་དེ་བཞིན་གཤེགས་པའི་ཆོས་ཉད་རྣམ་པར་འཁྲུག་པར་ཡང་མི་བྱེད་དོ། །
210a2 སངས་རྒྱས་ཀྱི་ཞིང་ཐམས་ཅད་དུ་འགྲོ་ཡང་ཐ་དད་པར་བྱེད་པར་ཡང་མི་བྱེད་དོ། །སངས་རྒྱས་ཐམས་ཅད་ཀྱི་ཡང་དག་པར་བླང་བ་རྗེས་སུ་ཐོབ་ཀྱང་ཆོས་ཀྱི་དབྱིངས་ལ་ཡང་འབྱེད་པར་མི་བྱེད་དོ། །ལྷ་དང་མིའི
210a3 བདག་པོ་ཐམས་ཅད་ཡོངས་སུ་འཛིན་ཀྱང་དེ་ལ་རྒྱགས་པར་ཡང་མི་འགྱུར་ལ། མྱོས་པ་སྐྱེད་པར་ཡང་མི་འགྱུར་རོ། །སེམས་ཅན་རྣམས་སྐྱོ་བ་ལ་དགོད་པའི་ཕྱིར་གཉིད་ལོག་པའི་བྱ་བ་ཐམས་ཅད་ཡང་དག་པར་སྟོན
210a4 ཏོ། །བདུད་ཀྱི་གཡུལ་ཐམས་ཅད་ཡང་དག་པར་སྟོན་ཀྱང་བདུད་ཀྱི་ལས་ལ་གནས་པར་ཡང་མི་འགྱུར་རོ། །འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་ཐམས་ཅད་ལ་ཡང་སྣང་ལ། རྟག་ཏུ་ཡང་ཆོས་ཀྱི
210a5 ཀུན་དགའ་ལ་དགའ་བས་དགའ་བར་བྱེད་དེ་པད་མ་བཞིན་དུ་གོས་པ་མེད་པར་འགྱུར་རོ། །སྤྲིན་ཆེན་སྙིང་པོ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལ་ལྟོས། འཕགས་པ་སྤྲིན་ཆེན་པོ
210a6 མདོ། བམ་པོ་བདུན་པ། དེ་ནས་དེའི་ཚེ་འཁོར་ཆེན་པོའི་ནང་ནས་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱིས་ཞེས་བྱ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱེ་མ
210a7 ལྷ་སྦྱིན་དྲུག་སྡེ་དང་བཅས་པ་ནི་ཚིག་གི་དོན་ཕྲ་ཞིང་ཟབ་ལ་སེམས་ཅན་ཐམས་ཅད་ལ་ཕན་པར་སྤྱོད་པ་འདི་ལྟ་བུ་ལ་རྒྱབ་ཀྱིས་ཕྱོགས་པ་ལགས་སོ། །ཀྱེ་མ་ལྷ་སྦྱིན་ནི་བྱས་པ་མི་གཟོ་བ་ལགས་སོ། །ཀྱེ་མ་ལྷ་སྦྱིན་ནི
210a8 སྡིག་པ་འདོད་པ་ལགས་སོ། །ལྷ་སྦྱིན་ནི་དེ་བཞིན་གཤེགས་པ་ལ་ཁྲག་འབྱིན་པ་ལགས་སོ། །ཀྱེ་མ་ལྷ་སྦྱིན་ནི་དྲུག་སྡེ་དང་བཅས་པ་ནི་དགེ་འདུན་གྱི་དབྱེན་བགྱིད་པ་ལགས་སོ། །ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི
iiif viewer powered by OpenSeadragon
