| e-texts navigator |
| Wylie |
207a1 བསམ་མི་ཁྱབ། །དེ་བཞིན་གཤེགས་པ་དཔག་ཏུ་མེད། །སངས་རྒྱས་སྤྱོད་ཡུལ་བསམ་མི་ཁྱབ། །མཚུངས་པ་མེད་ཅིང་ཤིན་དུ་འདས། །འདས་པ་དག་ཀྱང་དཔག་ཏུ་མེད། །ད་ལྟར་བྱུང་བའང་བསམ་མི་ཁྱབ། །མ་འོངས
207a2 པ་ཡང་བསམ་དུ་མེད། །འཇིག་རྟེན་ཁམས་ནའང་བསམ་མི་ཁྱབ། །དཔེར་ན་སྨན་པ་བྱུང་གྱུར་ཅིང་། །མཁས་པ་ཞིག་གིས་ནད་རྟོགས་ནས། །ནད་པའི་ཉམས་ལས་དཔག་བྱས་ཏེ། །ཆོ་ག་རིམ་བཞིན་སྟོན་པ་དང་། །དཔེར་ན་བུད
207a3 མེད་མཁས་མ་ཡིས། །རང་གི་བུ་ཡི་ཉམས་རིག་ནས། །སོར་མོའི་རྩེ་མོར་མར་བྱུགས་ཏེ། །ཇི་རན་ལྡག་ཏུ་བཅུག་པ་ལྟར། །དེ་བཞིན་བཅོམ་ལྡན་སངས་རྒྱས་ཀྱང་། །འདུལ་བའི་ཉམས་དྲོད་མཁྱེན་ནས་ནི། །སེམས་ཅན་རྣམས་ཀྱིས
207a4 བཟོད་པ་ཡི། །མདོ་སྡེའི་ཚིག་དོན་སྟོན་པར་མཛད། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ
207a5 རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་ཡུལ་སྤྲིན་ཆེན་པོའི་མདོ། སེམས་ཅན་ཐམས་ཅད་ལ་སྙིང་བརྩེ་བར་བགྱིད་པ་ལེགས་པར་གཟིགས་ནས་དེ་བཞིན་གཤེགས་པས་བཤད་པ་ནི་ཨ་ལ་ལ
207a6 ངོ་མཚར་ཏོ། །བཅོམ་ལྡན་འདས་ཏིང་ངེ་འཛིན་གྱི་སྒོ་བཞི་བརྒྱ་ཡང་བཅོམ་ལྡན་འདས་དེ་བཞིན་གཤེགས་པས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ལེགས་སོ་ལེགས
207a7 སོ། །སྤྲིན་ཆེན་སྙིང་པོ་ཁྱོད་ལེགས་ཀྱིས་གནོད་སེམས་ཀྱི་སེམས་དང་ལྡན་པ་རྣམས་བཟོད་པ་ཐོབ་པར་བྱ་བའི་དོན་དང་། ལེ་ལོ་ཅན་དང་དྲན་པ་ཉམས་པ་རྣམས་བརྩོན་འགྲུས་དང་། བསམ་གཏན་ཐོབ་པར་བྱ་བའི་དོན་དང
207a8 མ་འོངས་པའི་སེམས་ཅན་བསོད་ནམས་ཆུང་ངུ་རྣམས་ཀྱི་ཕྱིར་དེ་བཞིན་གཤེགས་པའི་ཡུལ་དེ་བཞིན་གཤེགས་པ་ལ་ལེགས་པར་ཞུས་པའི་སྤྲིན་ཆེན་པོའི་མདོའི་ཆར་རྟག་ཏུ་རབ་ཏུ་ཕོབ་ཤིག་། སྤྲིན་ཆེན་སྙིང་པོ། སྤྲིན་ཆེན
iiif viewer powered by OpenSeadragon
