| e-texts navigator |
| Wylie |
206b1 མཆོག་གྱུར་པ། །གཽ་ཏ་མཱ་ལ་བདག་ཞུ་ན། །སེམས་ཅན་ཀུན་ལ་སྨན་སླད་དུ། །རྐང་གཉིས་གཙོ་བོས་བཤད་དུ་གསོལ། །དེ་ནས་སངས་རྒྱས་ཀྱི་མཐུས་ལྷའི་བུ་བློ་གྲོས་མི་ཟད་པའི་སྙིང་པོ་ཞེས་བྱ་བས་བློ་གྲོས་མྱུར་ལྡན
206b2 ཞེས་བྱ་བ་ལ་ཚིགས་སུ་བཅད་དེ་སླར་སྨྲས་པ། །ཚངས་པ་ཆེན་པོ་ལེགས་སོ་ལེགས། །སེམས་ཅན་ཀུན་ལ་ཕན་པའི་ཕྱིར། །ཞུ་བའི་རྒྱལ་པོ་ལེགས་པར་ཞུས། །འཇིགས་མེད་འདི་ནི་རིགས་པ་ཡིན། །དྲིས་པའི་དོན་ནི
206b3 རིམ་བཞིན་དུ། །མིག་ཡངས་རབ་ཏུ་བཤད་པར་བྱས། །གཡེང་བ་མེད་པའི་སེམས་ཀྱིས་སུ། །ཚངས་ཆེན་ཁྱོད་ཀྱིས་མཉན་པར་གྱིས། །མདོ་སྡེ་རྣམས་ནི་རེ་རེ་ལ། །གང་གཱའི་ཀླུང་གི་བྱེ་སྙེད་ཀྱི། །བསྒྱུར་བའི་དོན་ནི་མང
206b4 ཡོད་ཅེས། །ཆོས་གསུང་བས་ན་ངེས་པར་བསྟན། །གཟུངས་ཀྱི་འབབ་ཆུའི་མིང་རྣམས་ཀྱང་། །རེ་རེ་ནས་ནི་རབ་དབྱེ་ན། །དོན་མང་དྲི་བ་མང་ཡོད་ཅེས། །ཆོས་གསུང་བས་ནི་ངེས་པར་བསྟན། །ཏིང་འཛིན་འབབ་ཆུའི་མིང་རྣམས་ཀྱང་། །
206b5 རེ་རེ་ནས་ནི་རབ་དབྱེ་ན། །དོན་མང་དྲི་བ་མང་ཡོད་ཅེས། །ཆོས་གསུང་བས་ནི་ངེས་པར་བསྟན། །ཀུན་དགའ་བོ་དང་འདྲ་བའི་མི། །དགྲིགས་ཕྲག་བྱེ་བ་སྙེད་ཡོད་ལ། །མདོ་ལས་གཅིག་གི་ཚད་གཟུང་ཕྱིར། །སྐྱེས་བུ་དམ་པ་བྱུང
206b6 གྱུར་ཏེ། །སྐྱེས་བུ་དམ་པ་དེ་ཀུན་ལས། །སྐྱེས་བུ་སྐྱེས་མཆོག་རེ་རེ་ཡང་། །ལྷ་ཡི་ལོ་མང་བྱེ་བརྒྱར་ཐུབ། །སྐྱེས་བུ་བརྟན་པོ་རེ་རེ་ཡང་། །གང་གཱའི་བྱེ་མ་ཇི་ཙམ་པར། །རང་རང་གི་ནི་ལྕེ་ཚོགས་རྣམས། །མདོ་སྡེ་དག་གི་མིང
206b7 གི་ཕྱིར། །བྱིན་གྱིས་བརླབ་པར་བྱས་པ་དང་། །དེ་དག་གི་ནི་ཐབས་ཚུལ་གྱིས། །སྐྱེས་བུ་སྐྱེས་མཆོག་དེ་དག་གིས། །མདོ་སྡེ་རྣམས་ནི་རེ་རེ་ཡི། །མིང་ཙམ་དག་ཀྱང་བསླབ་པའི་ཕྱིར། །ལོ་མང་བྱེ་བ་བརྒྱ་པ་ཡི། །སྐྱེས་བུ་དེ
206b8 འདྲ་དེ་ཀུན་གྱིས། །འབབ་ཆུ་འདྲ་བའི་མིང་བཟུང་ཡང་། །ཐ་མར་ཕྱིན་པར་མི་ནུས་ཏེ། །བཅོམ་ལྡན་མདོ་ནི་བསམ་མི་ཁྱབ། །ཏིང་འཛིན་གྲངས་ཀྱང་དེ་བཞིན་ཏེ། །གསང་བ་བཤད་པ་བསམ་མི་ཁྱབ། །སངས་རྒྱས་བསམ་ཡས
iiif viewer powered by OpenSeadragon
