| e-texts navigator |
| Wylie |
206a1 སྒོ་དང་། ཡིད་དུ་འོང་བའི་རྒྱས་པའི་བློ་གྲོས་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། མི་གནས་མི་ཟད་པའི་བློ་གྲོས་ཀྱི་སྟོབས་ཤེས་བྱ་བའི་ཆོས་ཀྱི་སྒོ་དང་། བསམ་གྱིས་མི་ཁྱབ་པའི་ཚུལ་གྱི་མཐའ་ཞེས་བྱ་བའི་ཆོས་ཀྱི་སྒོ
206a2 དང་། ཡེ་ཤེས་ཀྱི་ཕྱག་རྒྱའི་མཐའ་ཞེས་བྱ་བའི་ཆོས་ཀྱི་སྒོ་དང་། རྒྱ་མཚོ་མི་ཟད་པ་ཐམས་ཅད་ཀྱི་བློ་གྲོས་རྒྱལ་པོ་ཞེས་བྱ་བའི་ཆོས་ཀྱི་སྒོ་སྟེ། སྤྲིན་ཆེན་སྙིང་པོ་བཅུ་པོ་དེ་དག་ནི་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ
206a3 རྣམས་ཀྱི་དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་སྐར་འོད་ཅེས་བྱ་བས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས
206a4 ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་བསམ་མི་ཁྱབ། །དེ་བཞིན་གཤེགས་པ་བསམ་གྱིས་མི་ཁྱབ་སྐུ། །སེམས་ཅན་རྣམས་ལ་ཕན་པ་མཛད་སླད་དུ། །བསམ་གྱིས་མི་ཁྱབ་བསམ་ཡས་མདོ་ཡང
206a5 སྟོན། །དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་དྲུག་པའོ།། །། དེ་ནས་དེའི་ཚེ་ལྷའི་བུ་བློ་གྲོས་མྱུར་ལྡན་ཞེས་བྱ
206a6 བས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཏ་ལ་བདུན་སྲིད་ཙམ་དུ་བར་སྣང་ལ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན
206a7 འདས། མདོ་སྡེ་དག་ལ་དུ་ཞིག་མཆིས། །ཏིང་འཛིན་རྣམས་ཀྱང་དུ་ཞིག་མཆིས། །གཟུངས་ཀྱི་ལམ་དག་དུ་ཞིག་མཆིས། །གསང་ལ་འཇུག་པ་དུ་ཞིག་མཆིས། །བཅོམ་ལྡན་འདས། ད་ལྟར་བཞུགས་པའི་སངས་རྒྱས
206a8 དུ། །མ་བྱོན་པ་ནི་དུ་ཞིག་བཞུགས། །འདས་པའི་སངས་རྒྱས་དུ་ཙམ་ཞིག་།སངས་རྒྱས་སྤྱོད་ཡུལ་ཇི་སྙེད་མཆིས། །འཇིག་རྟེན་ཁམས་ནི་དུ་ཞིག་མཆིས། །གསུང་བར་འཚལ་ལོ་གཽ་ཏ་མཱ། །སེམས་ཅན་ཀུན་གྱི
iiif viewer powered by OpenSeadragon
