| e-texts navigator |
| Wylie |
205a1 གཏུག་པར་བགྱི། །ཡེ་ཤེས་ཀྱི་ནོར་བསྒྲིམས་ཏེ་བསྒྲུབ་པའི་མཛོད་ཀྱི་གླེང་གཞིའི་ལེའུ་ཞེས་བྱ་སྟེ་སུམ་བཅུ་གསུམ་པའོ།། །། སྤྲིན་ཆེན་སྙིང་པོས་གསོལ་པ། ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པ་ཞེས་བགྱི་བའི་ཆོས
205a2 ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ངེས་པར་བསྡམས་པའི་ཆོ་ག་བརྟག་པ་ཞེས་བྱ་བའི་ཆོས་ཀྱི་སྒོ་དང་། མཆོད་སྦྱིན་ལ་ཕན་པའི་རིན་པོ་ཆེའི་ཆོ་གས་བསྲུངས་པ་ཞེས་བྱ་བའི་ཆོས་ཀྱི
205a3 སྒོ་དང་། གཙང་སྦྲ་བསྲུང་བའི་དུས་ཚོད་ཅེས་བྱ་བའི་ཆོས་ཀྱི་སྒོ་དང་། གཙང་སྦྲ་ལ་མངོན་པར་དགའ་བ་ཞེས་བྱ་བའི་ཆོས་ཀྱི་སྒོ་དང་། སྦྱིན་པའི་ལོངས་སྤྱོད་སྦྱིན་པ་ཞེས་བྱ་བའི་ཆོས་ཀྱི་སྒོ་དང་། མིག་རབ་ཏུ་སྦྱིན་པ་ཞེས་བྱ་བའི་ཆོས་ཀྱི་སྒོ་དང་།
205a4 ཟབ་མོ་གསང་བ་སྟོན་ཅིང་འཆད་པ་ཞེས་བྱ་བའི་ཆོས་ཀྱི་སྒོ་དང་། ཟབ་མོའི་ཆོས་ལ་གཅེས་པ་ཞེས་བྱ་བའི་ཆོས་ཀྱི་སྒོ་དང་། དེ་ཁོ་ནའི་སྙིང་པོ་ལ་གནས་པ་ཞེས་བྱ་བའི་ཆོས་ཀྱི་སྒོ་དང་། གཞུང་ལུགས་ཐམས་ཅད་སྟོན་པ་ཞེས
205a5 བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ཆོས་ལ་མངོན་པར་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ
205a6 བྱས་ནས་ཚིགས་སུ་བཅད་པ་འདི་སྨྲས་སོ། །དཔའ་ཆེན་ཆོས་ཀྱི་མཆོད་སྦྱིན་ཅན། །སྦྱིན་པའི་ཚོགས་ལྡན་དེ་བཞིན་གཤེགས། །སེམས་ཅན་རྣམས་ལ་སྨན་སླད་དུ། །མཆོད་སྦྱིན་སྣ་ཚོགས་སྟོན་པ་མཛད། །
205a7 ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པའི་གླེང་གཞིའི་ལེའུ་ཞེས་བྱ་སྟེ་སུམ་བཅུ་བཞི་པའོ།། །། སྤྲིན་ཆེན་སྙིང་པོས་གསོལ་པ། སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པ་ཞེས་བགྱི་བའི
205a8 ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་འབྱུང་གནས་ཀྱིས་རྣམ་པར་རྒྱལ་བ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ཀྱི་ནོར་གྱི་ཆར
iiif viewer powered by OpenSeadragon
