| e-texts navigator |
| Wylie |
204b1 པ་འདི་སྨྲས་སོ། །དཔའ་ཆེན་ཡེ་ཤེས་རྩོམ་པ་པོ། །ཡང་དག་རྩོམ་ལ་རབ་སྦྱོར་བ། །སེམས་ཅན་རྣམས་ལ་ཕན་བཞེད་པ། །ཆོས་རྣམས་སྣ་ཚོགས་སྟོན་པ་མཛད། །ཡེ་ཤེས་རྩོམ་པའི་ཆོ་ག་ལ་ཞུགས་པའི
204b2 རྣམ་པའི་གླེང་གཞིའི་ལེའུ་ཞེས་བྱ་སྟེ་སུམ་བཅུ་གཉིས་པའོ། ། །། སྤྲིན་ཆེན་སྙིང་པོས་གསོལ་པ། ཡེ་ཤེས་ཀྱི་ནོར་བསྒྲིམས་ཏེ་བསྒྲུབ་པའི་མཛོད་ཅེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ
204b3 གསོལ། བཅོམ་ལྡན་འདས་ཀྱིས་བཀའ་སྩལ་པ། ལེགས་པའི་ནན་ཏན་གྱི་སྦྱོར་བ་ལ་མཁས་པའི་རིན་པོ་ཆེ་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། དམ་པའི་ཆོས་ལ་ཤིན་དུ་གུས་པར་བསྒྲིམ་པའི་སེམས་ལ་གནས
204b4 པར་སྦྱོར་བ་ཞེས་བྱ་བའི་ཆོས་ཀྱི་སྒོ་དང་། བདེན་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ཡང་དག་པར་ཟབ་ཅིང་བརྟན་པ་ལ་རྩེ་བ་དང་བཅས་པའི་རྒྱ་མཚོའི་རིན་པོ་ཆེའི་རྫས་བསྒྲུབ་པ་ཞེས་བྱ་བའི་ཆོས་ཀྱི
204b5 སྒོ་དང་། མངོན་པར་དགའ་བ་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། ཡེ་ཤེས་ཀྱི་སྟོབས་རབ་ཏུ་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། མངོན་པར་རྒྱུ་བ་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། མངོན་པར་འདོད་པར་བྱ
204b6 བའི་ཡོན་ཏན་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། ལུས་ལ་སྦྱོར་བ་ཞེས་བྱ་བའི་ཆོས་ཀྱི་སྒོ་དང་། མཁས་པ་དང་། གཙང་སྦྲ་དང་། ངེས་པ་དང་། བརྟུལ་ཞུགས་དང་། ཉེ་བར་གནས་པ་ལ་བསྒྲིམས་ཏེ་བསྒྲུབ་པ་ཞེས་བྱ་བའི
204b7 ཆོས་ཀྱི་སྒོ་སྟེ། བཅུ་པོ་དེ་དག་ནི་ཡེ་ཤེས་ཀྱི་ནོར་བསྒྲིམས་ཏེ་བསྒྲུབ་པའི་མཛོད་ཅེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ཕྲེང་བ་སྣ་ཚོགས་ཅན་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད
204b8 པ་འདི་སྨྲས་སོ། །གསང་བའི་འབྱུང་གནས་བསམ་གཏན་ཞི་བའི་ཡན་ལག་གི། ཅོད་པན་རྣམ་གྲོལ་ཆུ་དང་དྲན་པ་བསིལ་བའི་རླབས། །བདག་ཉིད་རྟག་ཟབ་ཞི་བའི་བདག་ཉིད་ཆེ་བ་སྟེ། །རྒྱ་མཚོའི་ཚུལ་འདྲ་ཁྱོད་ལ་མགོ་བོས
iiif viewer powered by OpenSeadragon
