| e-texts navigator |
| Wylie |
201a1 ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ནོར་རྒྱས་ཀྱི་བུའི་སྟོབས་རབ་ཏུ་འཇོམས་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། རང་གི་སྟོབས
201a2 མངོན་པར་སྟོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། སྒྲ་ལ་མངོན་པར་རབ་ཏུ་དགའ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཆུའི་རླབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། རྒྱ་མཚོའི་དུས་ཀྱི་ང་རྒྱལ་གྱི་རྒྱགས་པ
201a3 མེད་པར་བྱེད་པ་ཞེས་བྱ་བའི་ཆོས་ཀྱི་སྒོ་དང་། རི་བོའི་རྒྱལ་པོའི་ཕུག་ཏུ་མངོན་པར་སྒྲོགས་པའི་དུས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། རླུང་གི་མཆོག་གི་དུས་ཀྱི་ཕྱོགས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མིག་རྒྱང་རིང་བར
201a4 སྟོན་པ་ངེས་པར་སེམས་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མྱུར་དུ་གདུག་པའི་སྦྲུལ་ལ་རྩེ་བ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འོད་ཟེར་བཟང་པོའི་སྟོབས་འཐོབ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ
201a5 པོ་དེ་དག་ནི་ནམ་མཁའ་ལྡིང་གི་རྩལ་ཆེན་པོའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་དྲི་མ་མེད་པ་ཟབ་མོ་ལ་འཇུག་པ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ
201a6 འདི་སྨྲས་སོ། །ཏིང་ངེ་འཛིན་དང་ཤེས་རབ་དབང་པོའི་རྡོ་རྗེ་ཕྱག་ན་བསྣམས། ཆོས་ཀྱི་དབང་ཕྱུག་ཡེ་ཤེས་སྟོང་གཟིགས་པ་ལ་ཕྱག་འཚལ་ལོ། །ཉོན་མོངས་ལྷ་མ་ཡིན་རྣམས་གཡུལ་དུ་ངེས་པར་རབ་བཅོམ་ནས། །ཆོས་ཀྱི་དབང
201a7 པོ་ཆེན་པོའི་ཏོག་ནི་ཁྱོད་ཀྱིས་ལེགས་པར་བཙུགས། ནམ་མཁའ་ལྡིང་གི་རྩལ་ཆེན་པོའི་སྟོབས་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་བཞི་པའོ།། །། སྤྲིན་ཆེན་སྙིང་པོས་གསོལ་པ། སྒྲ་ཆེན་པོའི་དུས་རྣམ་པར་བསྒྲགས་པ་བཀོད
201a8 པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཟླ་མེད་པའི་སྟོབས་ཟབ་མོའི་ཚུལ་བཀོད་པ་ཞེས་བྱ་བའི་ཆོས་ཀྱི་སྒོ་དང་། ཚུལ་ཁྲིམས་བརྟན་པ་བཀོད་པ་ཞེས
iiif viewer powered by OpenSeadragon
