| e-texts navigator |
| Wylie |
200b1 འཇུག་པར་བྱ་བ་ལ་འཇུག་པའི་མདོའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་གཉིས་པའོ། ། ། འཕགས་པ་སྤྲིན་ཆེན་པོའི་མདོ། བམ་པོ་དྲུག་པ། སྤྲིན་ཆེན་སྙིང་པོས་གསོལ་པ། མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ
200b2 ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཉི་མ་འཆར་ཀའི་གཙུག་ཕུད་ཅེས་བྱ་བའི་ཆོས་ཀྱི་སྒོ་དང་། སྙིང་པོ་ལྔ་པ་ལ་རྒྱ་ཆེར་རྩེ་བར་མངོན་པར་རྒྱགས་པ་ཞེས
200b3 བྱ་བའི་ཆོས་ཀྱི་སྒོ་དང་། ཡོན་ཏན་རིན་པོ་ཆེའི་མཛོད་མངོན་དུ་འབྱུང་བ་ཞེས་བྱ་བའི་ཆོས་ཀྱི་སྒོ་དང་། ཚུལ་གྱི་མཚམས་བཟང་པོས་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཆུའི་དུས་ལ་ཞུགས་པའི་སྟོབས་མི
200b4 འཇིག་པར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཙན་དན་གྱི་སྟོབས་ཀྱི་བདེ་བསིལ་ལ་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མིག་མི་འཛུམས་པར་སྨྲ་བ་ཞེས་བྱ་བའི་ཆོས་ཀྱི་སྒོ་དང་། ཀུ་མུ་ད་དང་།
200b5 ཟླ་བ་ལྟ་བུའི་ཆུ་དང་ལྡན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། སྤྲུལ་པོ་ཆེ་ལ་སོགས་པའི་ལུས་ལ་མངོན་པར་འདོད་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། བསྔགས་པར་བྱ་བ་ཤིན་དུ་མང་བ་ལ་མངོན་པར་འཇུག
200b6 པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་རིགས་བཙུན་པ་རྣམ་པར་དག་པ་ཞེས་བྱ་བས་བཅོམ་ལྡན་འདས་ལ་མཆོད
200b7 པ་བྱས་ནས་ཚིགས་སུ་བཅད་པ་འདི་སྨྲས་སོ། །འཇིག་རྟེན་གསུམ་གྱི་ཆོས་ཀྱི་དབང་ཕྱུག་པོ། །དེ་བཞིན་གཤེགས་པ་ཆོས་སྐུ་རྟག་གྱུར་པ། །སེམས་ཅན་རྣམས་ལ་ཕན་པ་མཛད་སླད་དུ། །ལམ་རྣམས་རྣམ་པ་སྣ་ཚོགས་སྟོན་པ
200b8 མཛད། །མངོན་པར་རྩེ་བ་རིན་པོ་ཆེའི་མཛོད་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་གསུམ་པའོ།། །། སྤྲིན་ཆེན་སྙིང་པོས་གསོལ་པ། ནམ་མཁའ་ལྡིང་གི་རྩལ་ཆེན་པོའི་སྟོབས་ལ་མངོན་པར་འཇུག་པ་ཞེས་བགྱི་བའི
iiif viewer powered by OpenSeadragon
