| e-texts navigator |
| Wylie |
196a1 ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས་ཚིགས་སུ་བཅད་པ་འདི་སྨྲས་སོ། །གསང་སྲུང་དཔའ་བོ་ཆེན་པོ་སྟེ། དེ་བཞིན་གཤེགས་པ་གསང་བས་བསྲུངས། །སེམས་ཅན་རྣམས་ལ་སྨན་སླད་དུ། །
196a2 གསང་བ་སྣ་ཚོགས་སྟོན་པ་མཛད། །སྤྲིན་ཆེན་པོའི་ཚོགས་ནམ་མཁའ་ལས་འབྱུང་བའི་གླེང་གཞིའི་ལེའུ་ཞེས་བྱ་སྟེ་བཅུ་གཅིག་པའོ།། །། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བགྱི་བའི
196a3 ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་དེ་བཞིན་གཤེགས་པས་མངོན་པར་རབ་ཏུ་འབར་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་མཛོད་ཀྱི་འོད་ཟེར་གྱི་གློག་གི
196a4 འོད་ཅེས་བྱ་བ་དང་། ནམ་མཁའ་ལ་བརྩོན་འགྲུས་སྣང་བའི་གློག་གི་འོད་ཅེས་བྱ་བ་དང་། ཤིན་དུ་བསྲུང་བ་ཞེས་བྱ་བ་དང་། མཚམས་ཀྱི་དུས་ཚོད་རྒྱལ་པོ་ཞེས་བྱ་བ་དང་། དཔལ་གྱིས་བསྲུངས་པའི་བློ་གྲོས་འདོད་པའི་བློའི་རྒྱལ་པོ་ཞེས
196a5 བྱ་བ་དང་། དྲི་མ་མེད་པའི་གསེར་གྱི་གློག་གི་འོད་ཀྱི་རྒྱལ་པོ་ཞེས་བྱ་བ་དང་། བཻ་དཱུརྱའི་སྙིང་པོའི་བློ་གྲོས་མི་ཟད་པའི་སྣང་བའི་གློག་གི་འོད་ཅེས་བྱ་བ་དང་། གནས་ལ་མངོན་པར་མོས་པའི་གློག་གི་འོད་ཅེས་བྱ་བ་དང་། ཡོན་ཏན་གྱི་རྒྱ
196a6 མཚོ་ཟབ་མོ་བརྟན་པའི་གློག་གི་འོད་ཅེས་བྱ་བ་དང་། ཡུལ་ཆོམ་དུ་འབེབས་པའི་གློག་གི་འོད་ཅེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་གློག་གི་འོད་སྣང་བའི་སྦོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་མངོན
196a7 པར་འཚོ་བར་བྱེད་པ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཚིགས་སུ་བཅད་པ་འདི་སྨྲས་སོ། །གློག་གི་རྒྱལ་པོ་སྐུ་ཆེ་བ། །ནམ་མཁའ་དང
196a8 ནི་མཚུངས་འདྲ་སྟེ། །དེ་བཞིན་གཤེགས་པ་ཐབས་ཀྱི་གཟུགས། །བདག་གིས་ཆུང་ཟད་བརྗོད་མི་ནུས། །གློག་གི་འོད་ཀྱི་གླེང་གཞིའི་ལེའུ་ཞེས་བྱ་སྟེ་བཅུ་གཉིས་པའོ།། །། སྤྲིན་ཆེན་སྙིང་པོས་གསོལ་པ། སེམས་ཅན་ཐམས
iiif viewer powered by OpenSeadragon
