| e-texts navigator |
| Wylie |
194a1 ལས་ཀྱིས་ཐོབ་པར་བྱ་བའི་ཕྱིར་སེམས་ཀྱིས་ཡང་དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ཀླུའི་རྒྱལ་པོ་དུག་མེད་ཅེས་བྱ་བས་བཅོམ་ལྡན་འདས་ལ་མཆོད་པ་བྱས
194a2 ནས་ཚིགས་སུ་བཅད་པ་འདི་སྨྲས་སོ། །ཉོན་མོངས་འཁོར་བ་རྙེད་པ་ཆེ། །སེམས་ཅན་རྣམས་ལ་སྨན་སླད་དུ། །འཁོར་བའི་དངོས་འདྲ་དེ་བཞིན་གཤེགས། །ཆོས་རྣམས་སྣ་ཚོགས་སྟོན་པར་མཛད། །འཁོར་བ་ཉོན་མོངས་པའི་ཞིང
194a3 གི་ལས་ཀྱི་ས་འཐོབ་པའི་གླེང་གཞིའི་ལེའུ་ཞེས་བྱ་སྟེ་དྲུག་པའོ། ། །། སྤྲིན་ཆེན་སྙིང་པོས་གསོལ་པ། ཡེ་ཤེས་ལ་རྨོངས་པའི་སྙིང་པོ་བསམ་གྱིས་མི་ཁྱབ་པ་གཟུང་བའི་རྣམ་པར་འཕྲུལ་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ
194a4 བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བདེ་བར་གཉེན་པོར་བྱ་བ་མང་བ་ཞེས་བྱ་བ་དང་། མི་མཉམ་པ་དང་མཉམ་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བ་དང་། མཚུངས་པ་མེད་པར་འགྲོ་བའི
194a5 སྣང་བའི་སྒོར་འཇུག་པ་ཞེས་བྱ་བ་དང་། གཞུང་ལུགས་གོ་བར་བྱེད་པ་ཞེས་བྱ་བ་དང་། མཐར་བྱེད་པའི་ཏོག་ཅེས་བྱ་བ་དང་། ཡང་དག་པར་བརྗོད་པའི་འོད་ཅེས་བྱ་བ་དང་། ཆུ་ལས་ཤིན་དུ་འཕགས་པར་དམིགས་པ་ཞེས་བྱ་བ་དང་།
194a6 སྙིང་པོ་དྲི་མ་མེད་པ་ཞེས་བྱ་བ་དང་། ས་འཛིན་འོད་འཕྲོ་ཞེས་བྱ་བ་དང་། མངོན་པར་འཕགས་པའི་སྣང་བའི་སྒོ་ཞེས་བྱ་བ་སྟེ་བཅུ་པོ་དེ་དག་ནི་ཡེ་ཤེས་ལ་རྨོངས་པའི་སྙིང་པོ་བསམ་གྱིས་མི་ཁྱབ་པ་ལ་གཟུད་པའི་རྣམ་པར་འཕྲུལ
194a7 པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་ཕྲེང་མཛེས་ཅན་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་སྨྲས་སོ། །སངས་རྒྱས་ཡེ་ཤེས་བསམ་མི་ཁྱབ། །ཀྱེ
194a8 མ་སེམས་ཅན་ཀུན་ཕན་ཕྱིར། །ཡེ་ཤེས་རྨོངས་པ་སྣ་ཚོགས་པ། །དེ་བཞིན་གཤེགས་པ་སྟོན་པ་མཛད། །ཡེ་ཤེས་ལ་རྨོང་པ་གཟུད་པའི་གླེང་གཞིའི་ལེའུ་ཞེས་བྱ་སྟེ་བདུན་པའོ།། །། སྤྲིན་ཆེན་སྙིང་པོས་གསོལ་བ། ཡེ་ཤེས
iiif viewer powered by OpenSeadragon
