| e-texts navigator |
| Wylie |
193b1 རྒྱལ་པོ་ཞེས་བྱ་བ་དང་། སྲིད་པར་སྐྱེ་བ་ན་མི་དགེ་བའི་ཕྱོགས་ཀྱི་ཆོས་རྣམས་ཀྱིས་མ་གོས་པར་གནས་ཤིང་འཇུག་པ་གསང་བའི་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡོད་དེ། བཅུ་པོ་དེ་དག་ནི་སྲིད་པར་སྐྱེ་བས་རྩེ་བའི
193b2 རྣམ་པ་ལ་འཇུག་ཅིང་གནས་པ་བགྲོད་པའི་གསང་བ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རྒྱ་ཆེར་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས། ཚིགས་སུ་བཅད
193b3 པ་འདི་དག་སྨྲས་སོ། །མ་སྐྱེས་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་ཐབས་ཀྱི་སྐུ། །སྲིད་པར་སྐྱེ་བ་སྣ་ཚོགས་པ། །དྲི་མེད་ཐམས་ཅད་ཐུབ་པས་བསྟན། །དཔའ་བོ་ཆེན་པོ་རྟག་པའི་སྐུ། །སྲིད་སྐྱེའི་དགྱེས
193b4 པ་རྒྱ་མཚོ་མངའ། །གོས་པ་མེད་པའི་དེ་བཞིན་གཤེགས། །འཁོར་བ་དག་ནི་དགེ་བར་བཞེད། །སྲིད་པར་སྐྱེ་བའི་གླེང་གཞིའི་ལེའུ་ཞེས་བྱ་སྟེ་ལྔ་པའོ།། །། སྤྲིན་ཆེན་སྙིང་པོས་གསོལ་པ། འཁོར་བའི་ཉོན་མོངས་པའི་ཞིང
193b5 གི་ལས་ཀྱི་ས་ཐོབ་པར་བགྱི་བའི་སླད་དུ། སེམས་ཀྱིས་ཡང་དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། དེ་བཞིན་གཤེགས་པས་བཤད
193b6 དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཁོར་བའི་ཉོན་མོངས་པའི་ཞིང་གི་འབྲས་བུ་འཐོབ་པ་ཞེས་བྱ་བ་དང་། འཁོར་བའི་ཉོན་མོངས་པའི་ཞིང་ལ་དགའ་བའི་རྒྱལ་པོ་ཞེས་བྱ་བ་དང་། འཁོར་བའི་སྦྱོར་བ་ལ་སེམས
193b7 གནས་པ་ཞེས་བྱ་བ་དང་། འཁོར་བ་ལ་མཆོག་ཏུ་དགའ་བའི་གཟུངས་ཞེས་བྱ་བ་དང་། འཁོར་བར་འགྲོ་བ་ཞེས་བྱ་བ་དང་། འཁོར་བར་ཤིན་ཏུ་ཆར་འབེབས་པ་ཞེས་བྱ་བ་དང་། འཁོར་བ་རྒྱུན་མི་གཅོད་པའི་རླུང་གི་རྒྱལ་པོ་ཞེས་བྱ
193b8 བ་དང་། འཁོར་བའི་ཆོམ་རྐུན་ཞེས་བྱ་བ་དང་། འཁོར་བའི་རྩ་བའི་སྤྱོད་ཡུལ་དྲི་མ་མེད་པ་ཞེས་བྱ་བ་དང་། འཁོར་བ་ན་ཡུན་རིང་དུ་གནས་པ་རྣམས་ལ་སྣང་བར་བྱེད་པ་ཞེས་བྱ་སྟེ། བཅུ་པོ་དེ་དག་ནི་འཁོར་བའི་ཉོན་མོངས་པའི་ཞིང་གི
iiif viewer powered by OpenSeadragon
