| e-texts navigator |
| Wylie |
192a1 ཆེན་པོ་སའི་ཕྲེང་བ་ཅན་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོ་དགའ་བར་བྱེད་པའི་རླུང་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོ་སྣང་བའི་བློ་གྲོས་ཤེས་བྱ་བའི་གཟུངས་དང་། ཕྱིར་མི
192a2 ཟློག་པའི་སྤྲིན་ཆེན་པོ་གཡོ་བར་བྱེད་པ་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོའི་སྙིང་པོ་ཚུལ་གྱིས་རྣམ་པར་བརྒྱན་པའི་རྒྱལ་པོ་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོའི་སྙིང་པོའི་མཛོད་ཅེས་བྱ་བའི་གཟུངས་དང་།
192a3 ཕྱིར་མི་ཟློག་པའི་སྙིང་པོའི། ཞི་ཆུའི་སྟོན་པ་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོ་ཟད་མི་ཤེས་པའི་ཆུ་སྲུང་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོའི་ཆུའི་ཀུ་མུ་དའི་ཟླ་བ་ཞེས་བྱ་བའི་གཟུངས་དང་།
192a4 ཕྱིར་མི་ཟློག་པོའི་སྤྲིན་ཆེན་པོའི་སྙིང་པོའི་གཞི་འཛིན་པ་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོ་བསམ་གྱིས་མི་ཁྱབ་པའི་བློ་གྲོས་རྒྱ་མཚོའི་རྒྱལ་པོ་ཞེས་བྱ་བའི་གཟུངས་ཡོད་དེ། སུམ་བཅུ་རྩ་དྲུག་པོ་དེ་དག་ནི་ཕྱིར་མི་ཟློག་པའི་ཡེ་ཤེས
192a5 མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་སྒོ་སྟེ། དེ་དག་དང་ལྡན་པའི་བྱང་ཆུབ་སེམས་དཔའ་ནི་རྩིས་མཁན་གྱི་རྒྱལ་པོར་འགྱུར་རོ། །དེ་ནས་དེའི་ཚེ་འཁོར་ཆེན་པོའི་ནང་ནས་ལྷ་མོ་རིན་པོ་ཆེའི་ཕྲེང
192a6 བའི་གཟུངས་ལ་དགའ་བ་ཞེས་བྱ་བ་ཏ་ལ་བདུན་སྲིད་ཙམ་དུ་བར་སྣང་ལ་འདུག་སྟེ། བཅོམ་ལྡན་འདས་ལ་མེ་ཏོག་གི་ཆར་རབ་ཏུ་ཕབ་ནས་ཚིགས་སུ་བཅད་པ་འདི་དག་སྨྲས་སོ། །ཡེ་ཤེས་དཔའ་བོ་ཆེན་པོ་མི་མཉམ་མཉམ། །དེ་བཞིན་གཤེགས
192a7 པ་རྡོ་རྗེ་སྲ་བའི་སྐུ། །རིག་པའི་རྒྱལ་པོ་སྒྱུ་འཕྲུལ་ཆེན་པོ་པ། །མིའི་པད་མ་ཁྱོད་ལ་ཕྱག་འཚལ་ལོ། །གཟུངས་སོ་ཅོག་གིས་འབྲུག་གི་སྒྲ་བསྒྲགས་ཏེ། །དེ་བཞིན་གཤེགས་པས་ཆོས་ཆར་རབ་ཏུ་ཕབ། །སེམས་ཅན་རྣམས
192a8 ལ་ཕན་པ་མཛད་སླད་དུ། །ཆོས་རྣམས་སྣ་ཚོགས་རབ་ཏུ་སྟོན་པ་མཛད། །གཟུངས་ཀྱི་གླེང་གཞིའི་ལེའུ་ཞེས་བྱ་སྟེ་གསུམ་པའོ།། །། སྤྲིན་ཆེན་སྙིང་པོས་གསོལ་པ། སེམས་ཅན
iiif viewer powered by OpenSeadragon
