| e-texts navigator |
| Wylie |
191a1 པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་ནི། །བསམ་ཡས་དཔག་མེད་དེ་བཞིན་གཤེགས། །སེམས་ཅན་རྣམས་ལ་སྨན་སླད་དུ། །ཆར་ཆེན་རྣམ་པ་སྣ་ཚོགས་འབེབས། །ཏིང་ངེ་འཛིན
191a2 གྱི་ལེའུ་ཞེས་བྱ་སྟེ་གཉིས་པའོ། ། །། འཕགས་པ་སྤྲིན་ཆེན་པོའི་མདོ། བམ་པོ་ལྔ་པ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་འདི་སྐད་ཅེས་གསོལ་ཏོ། །ཤིན
191a3 དུ་རྒྱས་པ་ལས་ཕྱི་རོལ་པ་འོན་པ་ལྟ་བུར་གྱུར་པ་རྣམས་ཀྱི་ཐེག་པ་ཆེན་པོའི་རྣ་བའི་ཁམས་ཡོངས་སུ་རྫོགས་པར་བགྱི་བའི་སླད་དུ། བཅོམ་ལྡན་འདས་ཀྱིས་ཕྱིར་མི་ཟློག་པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས
191a4 ལ་མངོན་པར་འཇུག་པ་ཞེས་བགྱི་བའི་གཟུངས་ཀྱི་ཆོས་ཀྱི་སྒོའི་གཞི་སུམ་ཅུ་རྩ་དྲུག་སྔར་སྨོས་ཏེ་བཞག་པ་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ཕྱིར་མི་ཟློག
191a5 པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་ཆོས་ཀྱི་སྒོ་སུམ་ཅུ་རྩ་དྲུག་རྒྱ་ཆེར་ཉོན་ཅིག་། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ཡུལ་བསམ་གྱིས་མི་ཁྱབ་པ་ལ་དེ་བཞིན
191a6 གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཕྱིར་མི་ཟློག་པའི་འཁོར་ལོ་རིན་པོ་ཆེའི་མཛོད་ཅེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོ་དྲི་མ་མེད་པའི་སྙིང་པོའི་ཆུ་ཞེས་བྱ་བའི་གཟུངས་དང་།
191a7 ཕྱིར་མི་ཟློག་པའི་སྤྲིན་ཆེན་པོའི་སྙིང་པོ་སྣང་བ་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོའི་ཆུའི་བློ་གྲོས་ཤེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོའི་ཆུའི་རྒྱུན་ཅེས་བྱ་བའི་གཟུངས་དང་།
191a8 ཕྱིར་མི་ཟློག་པའི་སྤྲིན་ཆེན་པོ་ཟད་མི་ཤེས་པའི་བློ་གྲོས་པ་ཤེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན་པོའི་གློག་གི་འོད་མྱུར་བ་ཞེས་བྱ་བའི་གཟུངས་དང་། ཕྱིར་མི་ཟློག་པའི་སྤྲིན་ཆེན
iiif viewer powered by OpenSeadragon
