| e-texts navigator |
| Wylie |
189a1 འདུན་པར་མི་འགྱུར་ཞིང་སླར་དེ་ལ་ཐབས་ཀྱིས་འདུན་པར་བྱེད་པར་ཡང་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟའི་གནས་ཐམས་ཅད་ལ་རྟེན་པར་མི་འགྱུར་ཞིང་སླར་དེ་ལ་ཐབས་ཀྱིས་ཡང་དག་པར
189a2 རྟེན་པ་ལྟ་བུར་ཡང་འགྱུར་རོ། །ལས་ལ་རྟོན་པར་འགྱུར་གྱི་བཀྲ་ཤིས་དང་། དགེ་མཚན་ལ་རྟོན་པར་ཡང་མི་འགྱུར་རོ། །སྲོག་གཅོད་པ་བྱེད་ཀྱང་སྲོག་གཅོད་པ་སྤངས་པར་འགྱུར་རོ། །མེ་ཏོག་ཕྲེང་བ
189a3 དང་། སྤོས་དང་། བྱུག་པ་དང་། ཕྱེ་མས་གདབ་པ་དང་། ཁྱིམ་པའི་ལོངས་སྤྱོད་དང་། ཡོངས་སུ་སྤྱད་པ་རྣམ་པ་དུ་མ་དག་དང་། ཆུང་མ་དང་། ལྷན་ཅིག་ཏུ་འདོད་པའི་ཡོན་ཏན་སྤྱོད་ཀྱང་ཤིན་དུ་ཚངས་པར
189a4 སྤྱོད་པར་ཡང་འགྱུར་རོ། །སྲོག་གཅོད་པ་དང་། རྐུ་འཕྲོག་བྱེད་པ་དང་། བརྫུན་ཚིག་དང་། ཆང་འཐུང་བ་ལ་སོགས་པ་ལ་སྟེན་ཅིང་ལས་རྣམས་བྱེད་ལ། བུ་དང་། ཆུང་མ་རྣམས་སྟོན་ཀྱང་ཤིན་དུ་ཚངས་པར
189a5 སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་རྗེད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར
189a6 བར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་སྡུག་པར་བྱ་བའི་སྲས་སུ་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ལ་བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་རོ། །དེ་བཞིན་གཤེགས
189a7 པ་ཐམས་ཅད་ཀྱི་ཕྲིན་ལས་མཚུངས་པའི་ཆོས་ཀྱི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་དང་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཆོས་གསང་བ
189a8 རྣམ་པ་མང་པོ་ལུང་བསྟན་པའི་ཡུལ་ལ་སྤྱིས་བཙན་པའི་རྒྱལ་པོར་ཡང་འགྱུར་རོ། །སངས་རྒྱས་ཐམས་ཅད་ཀྱི་གསང་བའི་ཆོས་སྟོན་པ་རྣམ་པ་དུ་མ་བརྗོད་པར་ཡང་འགྱུར་རོ། །སངས་རྒྱས་ཐམས་ཅད་ཀྱིས་བཞེད་པའི
iiif viewer powered by OpenSeadragon
