| e-texts navigator |
| Wylie |
188b1 བརྩོན་འགྲུས་བརྩམས་པར་ཡང་འགྱུར་རོ། །བྱམས་པ་ལ་གནས་པར་ཡང་འགྱུར་རོ། །སྙིང་རྗེ་ལ་གནས་པར་ཡང་འགྱུར་རོ། །དགའ་བ་ལ་གནས་པར་ཡང་འགྱུར་རོ། །བཏང་སྙོམས་ལ་གནས་པར་ཡང་འགྱུར་རོ། །སྟོང
188b2 པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་རོ། །སྟོང་པ་མ་ཡིན་པའི་ཆོས་རྣམས་ལ་སྟོང་པ་མ་ཡིན་པར་སྨྲ་བར་ཡང་འགྱུར་རོ། །སངས་རྒྱས་ཀྱི་ཆོས་ཀྱི་དོན་རྟགས་སྨྲ་བར་ཡང་འགྱུར་རོ། །སངས་རྒྱས་ཀྱི་དེ་ཁོ་ནའི་ཆོས
188b3 ཀྱི་ལྟ་བ་སྨྲ་བར་ཡང་འགྱུར་རོ། །གཙང་བར་ཡང་འགྱུར་རོ། །གཙང་མས་ཕྱུག་པར་ཡང་འགྱུར་རོ། །ཡོན་ཏན་གྱིས་ཕྱུག་པར་ཡང་འགྱུར་རོ། །ཚུལ་ཁྲིམས་ཀྱིས་ཕྱུག་པར་ཡང་འགྱུར་རོ། །ཆོས་ཀྱིས་ཕྱུག་པར་ཡང
188b4 འགྱུར་རོ། །དབྲོག་ཏུ་མེད་པའི་རྫས་ཀྱིས་ཕྱུག་པར་ཡང་འགྱུར་རོ། །སྐྱེ་བོ་དབུལ་པོ་སློང་བ་ལ་སོགས་པ་ལ་གཏེར་ལྟ་བུར་ཡང་འགྱུར་རོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་རྣམས
188b5 སྟོན་པ་ན་མི་སྐྲག་མི་དངང་ཞིང་དངང་བར་ཡང་མི་འགྱུར་རོ། །སངས་རྒྱས་ཀྱི་ཞིང་གང་དང་གང་དུ་སྐྱེ་བར་བྱ་བར་སེམས་བསྐྱེད་པ་དེ་དང་དེར་སྐྱེ་བར་ཡང་འགྱུར་རོ། །རྙེད་པ་དང་། བཀུར་སྟི་དང་། ཚིགས་སུ་བཅད་པ་དོན་དུ་མི
188b6 གཉེར་བར་ཡང་འགྱུར་རོ། །ཚུལ་ཁྲིམས་འཆལ་པ་རྣམས་བསྡུས་ནས་དམ་པའི་ཆོས་ལ་དགོད་པར་ཡང་འགྱུར་རོ། །ཚུལ་ཁྲིམས་འཆལ་པ་གཡོ་སྒྱུ་དང་ལྡན་པ་རྣམས་ལ་ཐོག་ཏོག་ལྟ་བུར་ཡང་འགྱུར་རོ། །དེ་བཞིན
188b7 གཤེགས་པ་ལ་བྱས་པ་མི་གཟོ་བ་རྣམས་བྱས་པ་གཟོ་བ་ལ་ཡང་དག་པར་སྦྱོར་བར་ཡང་འགྱུར་རོ། །མུ་སྟེགས་ཅན་གྱི་གནས་ཐམས་ཅད་དུ་མི་འཕྲོགས་པར་ཡང་འགྱུར་ཞིང་སླར་དེ་ལ་ཐབས་དང་ལྡན་པར་ཡང་འགྱུར་རོ། །
188b8 དགེ་སྦྱོང་དང་། བྲམ་ཟེ་དང་། མུ་སྟེགས་ཅན་ཕས་ཀྱི་རྒོལ་བ་མང་པོ་དག་གིས་ཕུག་རྡུགས་སུ་མི་ཆུད་ཅིང་སླར་དེ་ལ་ཐབས་ཀྱིས་སྟོན་པར་ཡང་འགྱུར་རོ། །མུ་སྟེགས་ཅན་གྱི་གནས་ཐམས་ཅད་ཀྱི་གསང་ཚིག་རྣམས་ལ
iiif viewer powered by OpenSeadragon
