| e-texts navigator |
| Wylie |
170b1 བ་བཞིན། །བཅོམ་ལྡན་དམ་ཆོས་དེ་བཞིན་དུ། །ཡོངས་སུ་མྱ་ངན་འདའ་འགྱུར་སྙམ། །དེ་ལྟར་སེམས་པར་བགྱིད་པ་ཡི། །ལྷར་བཅས་འཇིག་རྟེན་འཁོར་བར་འགྱུར། །དེང་བདག་ཡང་དག་མཚན་མཐོང
170b2 བ། །ཀྱེ་མ་རྙེད་ཆེན་ལེགས་པར་རྙེད། །ཁྱོད་ཀྱི་ཞབས་མཆོག་གཟི་བརྗིད་ཀྱིས། །དམ་ཆོས་ཚིག་སྨོས་རྒྱ་མཚོ་ཐོས། །སྨོན་ལམ་བཏབ་ཅིང་བསྒྲུབས་པ་དེས། །དེ་རིང་བདག་གིས་བདུད་རྩི་འཚལ། །བགྱི
170b3 བ་ཆེན་པོའི་སོ་སོའི་ལས། །དེ་རིང་བདག་གིས་བསྟེན་པར་བགྱིས། །བདག་གི་དེ་རིང་ནད་ཞི་ཞིང་། །ནད་མེད་གནོད་པ་མ་མཆིས་ལ། །དེ་རིང་བདག་གིས་གདུང་བ་བསྲབས། །མཆོག་ཏུ་ཡང་ནི་བདེ་བར་འགྱུར། །འཇིག
170b4 རྟེན་ཀུན་ལ་ཐུགས་བརྩེ་བ། །བཅོམ་ལྡན་སངས་རྒྱས་བཤད་དུ་གསོལ། །སེམས་ཅན་ཀུན་གྱི་བདེ་བསྒྲུབ་པ། །སངས་རྒྱས་བཅོམ་ལྡན་འདས་པ་ཡིས། །ནད་རྣམས་མ་ལུས་མཛད་པར་གསོལ། །དམ་ཆོས
170b5 བརྟན་པའི་ཚུལ་གྱི་གཏེར། །སེམས་ཅན་དབུལ་པོ་རྣམས་ཀྱི་ནི། །མི་ཟད་པ་ཡི་བདུད་རྩི་གཏེར། །བཅོམ་ལྡན་སངས་རྒྱས་བཤད་དུ་གསོལ། །རྣམ་པར་སྦྱོང་བའི་ཆོ་ག་ཡི། །ལས་ཀྱི་ཚིག་ནི་སྨོས་པ་རྣམས། །
170b6 བཅོམ་ལྡན་སངས་རྒྱས་རྒྱས་པར་མཛོད། །རྟག་ཅིང་བརྟན་པའི་འདུ་སྟོན་ལ། །སེམས་ཅན་མང་པོ་དགོད་པར་གསོལ། །སྤྲིན་ཆེན་པོའི་མདོ་ལས་ལྷ་ཐམས་ཅད་འདུས་པ་ཞེས་བྱ་བ་སྟེ་ཕུང་པོ་དང་པོའི
170b7 ལེའུ་རྫོགས་སོ། ། །། འཕགས་པ་སྤྲིན་ཆེན་པོའི་མདོ། བམ་པོ་བཞི་པ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆན་སྙིང་པོས
170b8 འདི་སྐད་ཅེས་གསོལ་ཏོ། །དམ་པའི་ཆོས་བརྟན་པ་སྤྲིན་ཆེན་པོའི་མདོའི་ཚིག་སྨོས་པ། བཅོམ་ལྡན་འདས་དེ་བཞིན་གཤེགས་པས་གསུངས་པ་ནི་ཨ་ལ་ལ་ངོ་མཚར་རྨད་དུ་བྱུང་བ་ལགས་སོ། །བཅོམ
iiif viewer powered by OpenSeadragon
