| e-texts navigator |
| Wylie |
169b1 ཀྱང་ཉན། །དམྱལ་བ་ཡི་ནི་སེམས་ཅན་རྣམས། །སྡུག་བསྔལ་མང་པོ་མྱོང་བ་ཡང་། །དེ་རིང་མེ་ཞི་ཤས་ཆེར་བསིལ། །ཟས་སྐོམ་དག་གིས་རབ་ཚིམ་ནས། །དེ་རིང་བདེ་བར་གཉིད་ཀྱིས་ལོག་།དེ་རིང་ལྷ་དང་མི་རྣམས
169b2 ཀྱིས། །དེ་འདྲའི་ལས་རྣམས་ཐོས་པ་དང་། །སེམས་ཅན་རྣམས་ཀྱིས་དམ་ཆོས་ཚུལ། །སྒྲ་བསྒྲགས་ལ་ནི་མངོན་མཆོད་ཅིང་། །འཇུག་པ་འདི་ནི་ངོ་མཚར་རྨད། །བཅོམ་ལྡན་འདས་ཀྱིས་ཚིག་གཅིག་གསུངས་ན་ནི། །
169b3 ཇི་ལྟར་བློ་དགའ་བཞིན་དུ་སྣ་ཚོགས་རྟོགས། །ཁྱོད་ནི་སེམས་ཅན་ཀུན་གྱིས་བདེ་མྱོང་བའི། །ཡངས་ཤིང་རྣམ་དག་ཆོས་ནི་སྟོན་པ་མཛད། །སེམས་ཅན་ཐམས་ཅད་ཡིད་བདེ་རབ་དུལ་ཞིང་། །སེམས་ཀྱང་རབ
169b4 དགའ་མཉམ་པར་བྱམས་པར་སེམས། །གཅིག་ལ་གཅིག་ནི་ནོངས་པ་བཤགས་ནས་ཀྱང་། །མ་དང་བུ་བཞིན་ཆོས་ནི་ཉན་པར་བགྱིད། །སེམས་ཅན་ཀུན་ཀྱང་བདག་ཉིད་གཙོར་བགྱིས་ནས། །དེ་རིང་བདག་གི་རང
169b5 བཞིན་བསམ་དགོངས་སྙམ། །བདག་ལ་ཐུགས་བརྩེས་བདག་གི་སྟན་བཞུགས་ནས། །མི་མཆོག་འདུལ་བའི་ཁ་སྒྱུར་ཆོས་སྟོན་སྙམ། །དེ་རིང་ལྷ་ཁྱོད་གདན་གཅིག་སྟེང་བཞུགས་ནས། །དམ་ཆོས་སྤྲིན་གྱི་མདོ་མཆོག་བསྟན
169b6 པར་མཛད། །དེ་རིང་ཆོས་ཚོགས་མང་ལ་བྱིན་གྱིས་རློབ། །སྐུ་ཡང་མང་ཞིང་གཟུགས་མང་བའི། །དེ་བཞིན་གཤེགས་པ་ཆོས་ཀྱི་སྐུ། །སྟན་རྣམས་ཀུན་ལ་བཞུགས་ནས་ཀྱང་། །ཁྱོད་ནི་ཆོས་འདི་སྟོན་པར་མཛད། །
169b7 ལྷ་ཡི་ལྷ་ལ་བདག་དད་ནས། །བདག་ཅག་དེ་རིང་སྐྱབས་སུ་མཆི། །ཁང་པར་གནས་པའི་ལྷ་ཀུན་ནི། །ཀྱེ་མ་མི་རྟག་མི་བརྟན་ནོ། །སྐྱབས་མ་མཆིས་ཤིང་མགོན་མ་མཆིས། །བསོད་ནམས་ཆུང་ཞིང་སྡིག་པར
169b8 བཅས། །ཀླུ་རྣམས་རྒྱ་མཚོར་འདུ་བ་ལྟར། །ལྷ་རྣམས་ཐམས་ཅད་ཁྱོད་ལ་རྟེན། །སྐྱབས་མེད་རྣམས་ཀྱི་སྐྱབས་ལགས་ཏེ། །དེ་བས་ཐུབ་ཆེན་རྟག་པ་ལགས། །མགོན་མེད་རྣམས་ཀྱི་མགོན་ཡང་ཁྱོད། །གཉེན
iiif viewer powered by OpenSeadragon
