| e-texts navigator |
| Wylie |
169a1 རྟེན་ཁམས་ནི་མང་པོ་དག་། མེ་ལོང་གི་ནི་དཀྱིལ་འཁོར་ལྟར། །སེམས་ཅན་བྱེ་བ་མང་པོ་ཡིས། །འདི་ན་མཆིས་བཞིན་གསལ་བར་མཐོང་། །ངང་པ་ཁྲུང་ཁྲུང་ངུར་པར་བཅས། །ཤང་ཤང
169a2 ཏེའུ་ནི་མང་པོ་དང་། །ཀ་རན་ད་བ་རྨ་བྱ་དང་། །དེ་བཞིན་ཁུ་བྱུག་ཀུ་ན་ལ། །བུང་བ་མཐའ་ཡས་བུང་བུང་སྒྲོགས། །རྒྱལ་པོའི་ཁབ་ཏུ་དེ་རིང་ནི། །བྱ་རྣམས་རྣམ་པ་དུ་མ་དག་།སྐད་སྙན་འབྱིན་ཅིང་སྒྲོགས
169a3 པར་བགྱིད། །གནག་པ་དང་ནི་ལྗང་ཁུའི་མདོག་།མདོག་སྡུག་དང་ནི་སྔོ་བ་དང་། །པད་མ་དཀར་པོའི་མདོག་ཅན་གྱི། །ངང་མཆོག་གླང་ཆེན་སེང་གེ་རྣམས། །སེང་གེའི་སྒྲ་ནི་སྒྲོགས་བགྱིད་ཅིང་། །རྒྱལ
169a4 པོའི་ཁབ་ནི་དེ་རིང་མཛེས། །འཛམ་གླིང་ཡུལ་འཁོར་བཅས་པ་དང་། །ལུང་པར་བཅས་དང་ཚོང་རྡལ་བཅས། །འབྱོར་རྒྱས་དག་ལ་སེམས་ཅན་རྣམས། །ལྷ་ཡི་བདེ་བའི་ལོངས་སྤྱོད་སྤྱད། །སེམས
169a5 དགའ་མོས་ཤིང་རབ་ཚིམ་ནས། །སེམས་ཅན་རྣམ་པ་དུ་མ་ཡིས། །ལས་དྲག་མང་པོའི་སྡིག་སྤངས་ནས། །ཡིད་བདེ་རབ་ཏུ་དུལ་བར་གྱུར། །དེ་རིང་ཁྱོད་ཞི་ཞབས་དྲུང་ལྷགས། །ཕྱག་འཚལ་ནས་ནི་དེ་རིང་དུ། །
169a6 རྣམ་པ་མང་པོའི་ཚུལ་གྱིས་འཇུག་།ཉེ་གནས་ཆོ་ག་མཆོག་ལ་བཟོད། །སེམས་ཅན་ལྷ་མང་བྱེ་བ་རྣམས། །དམ་པའི་ཆོས་ཀྱི་ཚིག་ཀྱང་སྲུང་། །དམ་པའི་ཆོས་མཆོག་རབ་ཀྱི་ཚུལ། །ངང་ཚུལ་བཟང
169a7 བས་ཉན་པར་བགྱིད། །ཤིན་དུ་མི་བཟད་བདུད་ཀྱི་འཁོར། །དེ་རིང་རབ་ཏུ་གཡོས་པར་གྱུར། །དམྱལ་བའི་ཚོང་དུས་ཕྱེ་ནས་ཀྱང་། །དེ་རིང་ཁྱོད་ཀྱི་ཞབས་དྲུང་ལྷགས། །གཞན་ཡང་ལྷ་མང་བྱེ
169a8 བའི་ཚོགས། །གླུ་གར་རྣམ་པ་སྣ་ཚོགས་བགྱིད། །དེ་བཞིན་དུད་འགྲོར་སྐྱེས་པ་ཡི། །སེམས་ཅན་རྣམས་ནི་ཕན་ཚུན་དུ། །མང་དུ་དགྲ་བགྱིད་ཆགས་པའི་ཚུལ། །འཁོར་བའི་ཚུལ་སྤོངས་ཆོས
iiif viewer powered by OpenSeadragon
