| e-texts navigator |
| Wylie |
168b1 པ་དང་ན་ག་དང་། ། ག་རུ་དང་དོང་ཀ་ཡིས། །འོད་མའི་ཚལ་ནི་དེ་རིང་དུ། །ཤིན་དུ་སྣང་ཞིང་མཆིས་པར་བགྱིས། །བ་ཀུ་ལ་དང་ཙམ་པ་ཀ་།ཐང་ཤིང་པྲི་ཡ་ཀུ་ཡི་ཤིང་། །གསེང་ཕྲོམ་དང་ནི་ཉོ་ཏི་དང་། །སྒྲོན་ཤིང
168b2 དང་ནི་ཡོངས་འདུ་དང་། །ཤིང་ལྗོན་ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། ། མྲ་ཏ་ལ་ཀ་པིད་ཐ། །པ་ན་ས་དང་ཙན་དན་དམར། །བ་མངལ་ཤིང་ནི་དྲི་ཞིམ་གྱིས། །འོད་མའི་ཚལ་ནི
168b3 དེང་སྣང་བགྱིས། །སྲ་རྩི་ཤིང་མཆོག་བ་རང་ག་།ང་ཙུ་ཀ་དང་ཀེ་ས་རི། །མྱ་ངན་འཚང་དང་ཙམ་པ་ཀ་།དམར་སེར་གྱིས་ནི་འོད་མའི་ཚལ། །དེ་རིང་འབར་ཞིང་མཆིས་པར་བགྱིས། །རྒྱ་ཤུག་འཛམ་བུ་ཀམ་པ་རི། །
168b4 སྐྱུ་རུ་བེལ་ལ་སེའུ་ཤིང་ནགས། །ཏེན་དུ་ཀ་དང་པ་ཀ་ས། །མངར་ཞིང་ཞིམ་པའི་ཤིང་ལྗོན་དང་། །འབྲ་ཀོའི་ཤིང་མང་རྒུན་ཤིང་ཚོགས། །བལ་བུ་དང་ནི་ས་བརྟོལ་མང་། །མ་ནི་ཀ་ར་དོང་ཀ་དང་། །ཤིང་ལྗོན
168b5 ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། ། ག་རུ་ཡི་ཤིང་དག་དང་། །ཏ་མ་ལ་འདབ་རབ་མཛེས་དང་། །གུར་ཀུམ་དང་ནི་ཕུར་མོ་དང་། །ས་བོན་ཚོགས་ནི་མང་པོ་དང་། །གོར་ཤི་ཤ་དང
168b6 ཙན་དན་དམར། །ཧ་རིའི་ཙན་དན་དུ་མ་དང་། །ཤིང་ལྗོན་ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །སྐྱེད་མོས་ཚལ་དང་ནགས་ཚལ་དང་། །རྫིང་བུ་མཚོ་མངས་དག་ན་ཡང་། །དུས་ཚིགས
168b7 ཀུན་གྱི་ཨུད་པལ་ཚོགས། །མེ་ཏོག་རྒྱས་པས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །རིན་ཆེན་ཀུན་གྱི་ཤིང་ལྗོན་དང་། །རིན་ཆེན་འཁྲི་ཤིང་ཡོངས་སུ་འཁྲི། །རིན་ཆེན་ཀུན་གྱི་ཨུད་པལ
168b8 གྱི། །མེ་ཏོག་ཚོགས་རྣམས་དེ་རིང་མཛེས། །སངས་རྒྱས་མཐུས་ནི་དེ་རིང་དུ། །འདི་ལྟར་ཉི་ཟླའི་དཀྱིལ་འཁོར་དག་།འཇིག་རྟེན་ཁམས་ནི་མང་པོར་ཡང་། །དཀོན་པའི་ལས་མང་བགྱིས་པ་གདའ། །འཇིག
iiif viewer powered by OpenSeadragon
