| e-texts navigator |
| Wylie |
159a1 ཚེ་ལོངས་སྤྱོད་མི་ཟད་པར་བྱེད་པའི་ཏིང་ངེ་འཛིན་དང་གཟུངས་ཀྱི་གཏེར་དང་། ཆར་མི་འབབ་པའི་ཚེ་དམ་པའི་ཆོས་ཀྱི་ཏིང་ངེ་འཛིན་གྱི་གཏེར་མི་ཟད་པའི་བདུད་རྩིའི་ཆར་གྱི་ཆུས་གང་བའི་སྤྲིན
159a2 ཆེན་པོའི་ཡོན་ཏན་གྱི་རྣམ་པར་འཕྲུལ་པ་དང་། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་གྱི་ཆར་ཆེན་པོ་དམ་པའི
159a3 ཆོས་བརྟན་པའི་གཏེར་དང་། ནད་བྱུང་བའི་ཚེ་བདེ་ཞིང་བསིལ་བའི་སྨན་སྦྱར་བས་དུག་གི་མཐུ་ཐམས་ཅད་མེད་པར་བྱེད་པ་དང་། དམ་པའི་ཆོས་ཀྱི་གཟུངས་འཐོབ་པའི་ཏིང་ངེ་འཛིན་རྟག་པ་དང་།
159a4 ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་གྱི་དེ་བཞིན་གཤེགས་པའི་ངོ་བོ་ཉིད་ཡོན་ཏན་གྱི་ཚོགས་ལ་བསྙེན་བཀུར་བྱ་བའི་གནས་དང་། མེ་ཏོག་ཕྲེང་དང་། ཕྱེ་མའི་བསྒོ་བས་བསྒོས་པ
159a5 སྤྲིན་ཆེན་པོའི་མདོ་ནད་མེད་པར་བརྟེན་པའི་གཏེར་ཡི་གེར་བྲིས་ཤིག་། སྤྲིན་ཆེན་སྙིང་པོ་སེམས་ཡོངས་སུ་རྨོངས་ཤིང་རྣམ་པར་འཁྲུལ་པ་རྣམས་དེ་བཞིན་གཤེགས་པ་མི་རྟག་ཅིང་ཐར་ཟུག་པ་མ་ཡིན
159a6 ལ་མི་བརྟན་ཞིང་ནུབ་པར་འགྱུར་རོ། །ཞེས་ལོག་པར་སྨྲ་བ་རྣམས་མཁྲིས་པས་བརྒྱལ་ཞིང་དུག་གི་ཟུག་རྔུས་རྣམ་པར་བསྲེགས་པའི་ལྟ་བའི་གཉིད་ཀྱི་མུན་པས་གནོད་པར་བྱས་པའི་ཁྱིམ་དུ་ཉལ
159a7 ནས་གཉིད་ལོག་སྟེ། རྨི་ལམ་མི་ཟད་པའི་ལྟ་བས་བསྲེགས་ནས་མྱོས་ཤིང་རྨིས་ཏེ་སྐྲག་པའི་ཉན་ཐོས་དང་། རང་སངས་རྒྱས་ཐམས་ཅད་དང་། བ་རྒན་གྲུམ་མོ་དང་འདྲ་བའི་སེམས་ཅན་རྣམས
159a8 ལ་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་རྟག་པའི་རང་བཞིན་ཤེས་པའི་འབྲུ་མར་དང་དེ་ཁོ་ན་རིག་པའི་སྙིང་པོ་རབ་ཏུ་འབར་བར་ཡ་གྱིས་ཤིག་། དེ་བཞིན་གཤེགས་པའི་ཡོན་ཏན་གྱི་རང་བཞིན་རྟག
iiif viewer powered by OpenSeadragon
