| e-texts navigator |
| Wylie |
156a1 ཤེས་མེད་པ། འདུ་བྱེད་མེད་པ། རྣམ་པར་ཤེས་པ་མེད་པའི་དེ་བཞིན་ཉིད་ཀྱི་རང་བཞིན་མི་ཟད་པ། ཟད་པར་བྱར་མི་རུང་བ། ཟད་པ་དང་བྲལ་བ་དང་མི་མཉམ་པ། མི་མཉམ་པ་དང་མཉམ་པ། རྣམ
156a2 པར་ཤེས་པ་མ་ཡིན་པ། ཁམས་བཞི་ལས་ཡང་དག་པར་འདས་པ། ཆོས་ཐམས་ཅད་ལ་མ་ཆགས་པའི་མཐར་ཕྱིན་པ། ཡང་དག་པའི་མཐའ་མཐའ་མེད་པ་དེ་བཞིན་ཉིད་དང་མཉམ་པ་སྟེ། དེ་ལྟར་དེ་བཞིན
156a3 གཤེགས་པའི་སྐུ་ནི་ཡོན་ཏན་དཔག་ཏུ་མེད་ཅིང་གྲངས་མེད་པ་དང་ལྡན་པ་ཡིན་ནོ། །དེ་བཞིན་གཤེགས་པའི་འབེལ་བའི་གཏམ་གྱི་ཚན་ཉིད་ནི་འདི་ལྟ་བུ་ཡིན་ཏེ། ཕྲ་བའི་ཚིག་དང་། ཤིན་དུ་རྟོགས་པར
156a4 དཀའ་བ་དང་། ཤིན་དུ་བྱང་བ་དང་། ཤིན་དུ་ཟབ་པ་སྟེ། ཕྱི་རོལ་པ་རྣམས་དང་། ཉན་ཐོས་དང་། རང་སངས་རྒྱས་དེ་དག་གིས་སྔོན་ཚིག་དང་ཡི་གེ་གཅིག་ཀྱང་མ་ཐོས་ཏེ་དམུས་ལོང་དུ་གྱུར་ཅིང་དུག་གི་མཛོད་དུ
156a5 གྱུར་པ་དང་། གྲུམ་པོར་གྱུར་ཅིང་རྒས་པར་གྱུར་པ། སྲིད་པའི་སྒོ་ངའི་སྦུབས་ཀྱིས་གཡོགས་པ། གྲུ་ཞིགས་པ། དུག་གིས་ཕོག་པའི་ཟུག་རྔུས་ཡོངས་སུ་མྱོས་པར་བྱས་པ། མཁྲིས་པས་བརྒྱལ་ཞིང་སེམས
156a6 རྣམ་པར་འཁྲུལ་པར་བྱས་པས་ཉན་ཐོས་དང་། རང་སངས་རྒྱས་ཐམས་ཅད་དང་། སེམས་ཅན་ཐམས་ཅད་གསོ་བའི་ཆོ་ག་ཆེན་པོ་སྐྱུག་པ་དང་བཀྲུ་བའི་སྦྱོར་བ་དང་། གསང་སྔགས་དང་། ཡང་དག
156a7 པའི་རིག་སྔགས་བརྗོད་ཅིང་ཆུའི་བུམ་པ་ཐོགས་ཏེ་ཧ་ལ་ཧ་ལའི་དུག་གི་ཟུག་རྔུ་དབྱུང་བའི་དོན་དང་། ཡོངས་སུ་མྱ་ངན་ལས་འདས་པའི་སྒྲའི་བད་ཀན་དང་མཁྲིས་པ་སྙིང་ལ་ཞུགས་པ་གཅད་པའི་དོན་དང་།
156a8 དེ་དག་གི་ལྟོ་རྣམ་པར་སྦྱང་བའི་དོན་དང་། དེ་དག་གི་དུག་གིས་སྐྲངས་པར་གྱུར་པ་གཏར་བའི་དོན་དང་། ཕྱེ་མ་ལེབ་དང་། སྦུར་བུ་ལྟ་བུར་གྱུར་པ་དེ་དག་དུག་གིས་ཕོག་པ་དང་འཆི་བ་ཡོངས་སུ་ཤེས
iiif viewer powered by OpenSeadragon
