| e-texts navigator |
| Wylie |
145b1 ཏུ་འཁོད་དོ། །ཡང་དེའི་ཚེ་ནམ་མཁའ་ལས་སིལ་སྙན་སྟོང་གི་གླུ་དབྱངས་ལྟ་བུ་མཐུན་པ་དང་མི་མཐུན་པའི་སྒྲ་མངོན་པར་གྲག་སྟེ། སྟང་ཟིལ་གྱི་རི་ལྟ་བུར་འདུག་པའི་སྤྲིན་ཆེན་པོའི་ཚོགས་ལྷའི་རིན་པོ་ཆེའི་ཆུས
145b2 ཡོངས་སུ་རྒྱས་པ་དག་ཀྱང་། བཅོམ་ལྡན་འདས་སེང་གེའི་སྒྲ་ཆེན་པོ་སྒྲོགས་ཤིང་ཆོས་སྟོན་པ་མནོད་པའི་ཕྱིར་བསྟོད་དོ། །ཡང་དེའི་ཚེ་རླུང་གི་རྒྱལ་པོ་ཆེན་པོ་བཞི་ལ་འདི་ལྟ་སྟེ། རླུང་གི་རྒྱལ་པོ་ཆེན་པོ
145b3 རྣམ་པར་འཐོར་རླུང་ཞེས་བྱ་དང་། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཆེན་པོ་ཞེས་བྱ་བ་དང་། རླུང་གི་རྒྱལ་པོ་ཆེན་པོ་ཤུགས་མ་ཉམས་པ་ཞེས་བྱ་བ་དང་། རླུང་གི་རྒྱལ་པོ་ཆེན་པོ་འཇིགས་བྱེད་ཆེན་པོ
145b4 ཞེས་བྱ་བ་རྣམས་ལྷའི་བདེ་བའི་ལོངས་སྤྱོད་དང་། ཡོངས་སུ་སྤྱོད་པའི་དུས་ཚིགས་དྲུག་གི་བདེ་ཞིང་བསིལ་བའི་མེ་ཏོག་དང་རྣམ་པར་འདྲེས་པའི་དྲི་བསུང་ཞིམ་པོའི་ངད་གཏོང་ཞིང་། རླུང་གི་རྒྱལ་པོ་ཆེན་པོ
145b5 རྣམས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་སྤྲིན་ཆེན་པོ་རབ་ཏུ་འགྱེད་དེ། བཅོམ་ལྡན་འདས་སེང་གེའི་སྒྲ་ཆེན་པོ་སྒྲོགས་ཤིང་ཆོས་སྟོན་པ་མནོད་པའི་ཕྱིར་སྟོད་དོ། །
145b6 འཕགས་པ་སྤྲིན་ཆེན་པོའི་མདོ། བམ་པོ་གཉིས་པ། ཡང་དེའི་ཚེ་ངང་པའི་རྒྱལ་པོ་སེང་གེ་ལྟར་དཔའ་བ་ཞེས་བྱ་བ་ངང་པ་འབུམ་ཕྲག་དུ་མ་དང་ལྷན་ཅིག་ཏུ་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས
145b7 བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། སློབ་དཔོན་དང་སློབ
145b8 མས་ལེགས་པར་བསྒྲུབས་པའི་སིལ་སྙན་སྟོང་གི་གླུ་དབྱངས་ལྟ་བུར་སྐད་འཐུན་པར་འབྱིན་ཅིང་། ངང་པའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་བཅོམ་ལྡན་འདས་ལ་ལན་གསུམ
iiif viewer powered by OpenSeadragon
