| e-texts navigator |
| Wylie |
144b1 ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཁོར་ཡུག་ཁེབས་པ་ཙམ་གྱི་མེ་ཏོག་སིལ་མ་དག་གིས་དེ་བཞིན་གཤེགས་པ་ལ་མངོན་པར་གཏོར་ཏེ་སིལ་སྙན་རྣམས་བརྡུངས་ནས། ཙན་དན་གྱི་ཕྱེ
144b2 མ་དང་། བྱུག་པ་དག་གིས་གཏོར་ཏེ། རྒྱལ་པོའི་ཁབ་དང་བཅས། བྱ་རྒོད་ཀྱི་ཕུང་པོའི་རི་དང་བཅས། འོད་མའི་ཚལ་བྱ་ཀ་ལན་ད་ཀ་གནས་པ་དང་བཅས་པ། བསོད་ནམས་ཆེན་པོའི་ཞིང་དུ་གྱུར
144b3 པ། དཀྱིལ་འཁོར་ཆེན་པོ་མུ་སྟེགས་ཀྱི་གནས་སུ་གྱུར་པ། ཁོ་ར་ཁོར་ཡུག་ཏུ་ལ་བ་དང་། རས་དང་། ཟབ་དར་དང་། ཟར་མའི་རས་འཇམ་པོ་དང་། ལྷའི་གོས་ལྷའི་ཕྱེ་མས་བསྒོས་ཤིང་ཙན་དན
144b4 གྱིས་ཞེན་པར་བྱས་ནས་ལྷའི་བདུག་པས་བདུགས་པ་དག་བཏིང་སྟེ། མངོན་པར་སྤྲུལ་པ་བཞིན་དུ་བྱས་ནས་མེ་ཏོག་གི་ཆར་མངོན་པར་ཕབ་ནས་ལྷའི་རིན་པོ་ཆེ་དུ་མས་ཡོངས་སུ་མཛེས་པར་བྱས་ནས། བཅོམ
144b5 ལྡན་འདས་ཀྱི་སེང་གེའི་ཁྲི་འབུམ་བཤམས་ཏེ་ལན་ས་ཡ་ཕྲག་གསུམ་བསྐོར་བ་བྱས་ནས་རང་རང་གི་བླ་གོས་བཅོམ་ལྡན་འདས་ཀྱི་སྐུ་ལ་གསོལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ
144b6 སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་བདུད་ཀྱི་རིས་ཀྱི་ལྷ་མོ་མངོན་པར་སྡུད་པ་ཞེས་བྱ་བ་བདུད་ཀྱི་རིས་ཀྱི་ལྷ་མོ་འབུམ་ཕྲག་དུ་མ་དང་ལྷན་ཅིག་ཏུ་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས
144b7 བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རྔ་ཡབ་དང་། རྨ་བྱའི་མདོངས་ལག་ན་ཐོགས་ཤིང་། ལྷའི་ཕེག་དང་། གླིང་བུ་དང་། བདུག་པ་ཐོགས་ཏེ། ལྷའི་མེ་ཏོག་སིལ་མས་དེ་བཞིན
144b8 གཤེགས་པ་ལ་མངོན་པར་གཏོར་ནས་སིལ་སྙན་རྣམས་བརྡུངས་ཏེ་གར་བྱེད་ཅིང་གླུ་ལེན་ནོ། །ལྷ་མོ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་སེམས་དད་ཅིང་རབ་ཏུ་དགའ་བ། ཐེག་པ་ཆེན་པོ་ལ
iiif viewer powered by OpenSeadragon
