| e-texts navigator |
| Wylie |
135a1 སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ
135a2 ན། བྱ་རྒོད་ཀྱི་ཕུང་པོའི་རི་ལ་གནས་བརྟན་འོད་སྲུང་ཆེན་པོ་ལ་སོགས་པ་དགེ་སློང་ས་ཡ་ཕྲག་དགུ་དང་བརྒྱད་འབུམ་གྱི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་། དགྲ་བཅོམ་པ། ཟག་པ་ཟད
135a3 པ། དབང་དང་ལྡན་པར་གྱུར་པ། ཉོན་མོངས་པ་མེད་པ། ཅང་ཤེས་པ། གླང་པོ་ཆེན་པོ། སེམས་ཤིན་དུ་རྣམ་པར་གྲོལ་བ། ཤེས་རབ་ཤིན་དུ་རྣམ་པར་གྲོལ་བ། བྱ་བ་བྱས་པ། བྱེད་པ་བྱས་པ།
135a4 ཁུར་བོར་བ། བདག་གི་དོན་རྗེས་སུ་ཐོབ་པ། ཡང་དག་པའི་ཤེས་པས་སེམས་ཤིན་དུ་རྣམ་པར་གྲོལ་བ། སྲིད་པར་ཀུན་དུ་སྦྱོར་བ་ཡོངས་སུ་ཟད་པ། ཚུལ་ཁྲིམས་ཤིན་དུ་རྣམ་པར་དག་པ།
135a5 སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་དུ་སོན་པ། མངོན་པར་ཤེས་པས་མངོན་པར་ཤེས་པ། མཁས་པ་མངོན་པར་ཤེས་པ། རྣམ་པར་ཐར་པ་བརྒྱད་ལ་བསམ་གཏན་པ་ཤ་སྟག་དང་ཐབས
135a6 གཅིག་ཏུ་བཞུགས་སོ། །དེ་ནས་གནས་བརྟན་འོད་སྲུང་ཆེན་པོ་ལ་སོགས་པ་དགེ་སློང་ས་ཡ་ཕྲག་དགུ་དང་བརྒྱད་འབུམ་པོ་དེ་དག་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ
135a7 བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ
135a8 མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་སོགས་པ་དགེ་སློང་མ་ས་ཡ་ཕྲག་དྲུག་དང་ལྔ་འབུམ་ཡང་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས
iiif viewer powered by OpenSeadragon
