| e-texts navigator |
| Wylie |
330a1 ཕྱུག་ལ་བྲེ་བོ་ལོ་ཏོག་གིས་བཀང་བ་དེ་ཕུལ་ནས་སྨྲས་པ། གླིང་བཞི་པ་འདིའི་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་གི་རྒྱུར་ས
330a2 བོན་དང་། ལོ་ཏོག་ཐམས་ཅད་འཕེལ་བར་བགྱི་བ་དང་། གྲུབ་པར་བགྱི་བའི་སླད་དུ་སྐྱེས་བུ་དམ་པ་ཁྱོད་ལ་ལྷུང་བཟེད་དབུལ་ལོ། །དེས་ན་དགེ་བའི་རྩ་བ་ཡང་དག་པར་ཆད
330a3 པ། མ་རུངས་པ། གཏུམ་པོ། དྲག་ཤུལ་ཅན་ཀུན་དུ་སྡུག་བསྔལ་ཐམས་ཅད་ལས་བསྒྲལ་བ་དང་། བྱང་ཆུབ་ཀྱི་ས་བོན་ལ་བཞག་པར་རྔོ་ཐོག་གོ། །དེ་ནས
330a4 བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བྲེ་བོ་ལོ་ཏོག་གིས་བཀང་བ་དེ་བླངས་ནས་ཕྱོགས་བཅུར་བལྟས་ཏེ་འདི་སྐད་ཅེས་སྨྲས་སོ། །
330a5 སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་དང་བཅས་པ་ཐམས་ཅད་དགོངས་སུ་གསོལ། གང་གིས་གླིང་བཞི་པ་འདིར་ས་བོན
330a6 དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དང་། སའི་བཅུད་དང་། གཟི་བྱིན་དང་། སེམས
330a7 ཅན་གྱི་གཟི་བྱིན་དང་། དམ་པའི་ཆོས་ཀྱི་རོ་དང་། སྙིང་ཀུ་དང་། གཟི་བྱིན་དག་མི་ཉམས་ཤིང་འཕེལ་བར་བགྱིད་པ་དང་། དམ་པའི་ཆོས་ཀྱི་སྒྲོན་མ་དང་།
330a8 དཀོན་མཆོག་གསུམ་གྱི་གདུང་རྒྱུན་མི་གཅད་པར་བགྱིད་པ་དང་། གང་གི་དེ་ལོངས་སྤྱོད་པ་དང་། ཉེ་བར་སྤྱོད་པ་ཐམས་ཅད་ཀྱིས་སེམས་ཅན་རྣམས་ཡོངས་སུ
iiif viewer powered by OpenSeadragon
