| e-texts navigator |
| Wylie |
329b1 ཀྱང་གཡེང་འགྱུར་དེ་ཡིས་ན། །དགེ་བ་ཐམས་ཅད་མི་འཚལ་ཞིང་། །བཟོད་རླག་ལས་ལ་སྤྱོད་པར་བགྱིད། །མི་དགེ་བ་ལ་གནས་བགྱིད་པ། །ཕ་མ་དག་ལ་རིམ་གྲོ་ཆུང་། །གང་དག་མཚམས་མ་མཆིས་བགྱིས་པ། །
329b2 དཀོན་མཆོག་གསུམ་ལ་བརྙས་པར་བགྱིད། །སྙིང་བརྩེ་སྙིང་རྗེ་མ་མཆིས་པ། །འཇིགས་བགྱིད་གཏུམ་པོ་དྲག་ཤུལ་ཅན། །ཁྲོ་སེམས་དབང་གིས་དེ་དག་ནི། །སེམས་དམྱལ་མནར་མ་མཆིས་པར་གནས། །སེམས
329b3 ཅན་འདི་དག་ཁྲོ་བའི་རྒྱུས། །གཅིག་ལ་གཅིག་ནི་ཟ་བར་བགྱིད། །ཡང་དང་ཡང་ནི་ངན་སོང་དུ། །སྡུག་བསྔལ་དུ་མས་རབ་ཏུ་གཟིར། །སྡིག་པའི་སེམས་ཀྱིས་བྲིད་གྱུར་ཅིང་། །དགེ་བའི་བཤེས་གཉེན་སྤངས
329b4 ནས་ཀྱང་། །སྲིད་པའི་མཚོར་ནི་ལྟུང་བ་སྟེ། །མུན་པ་མུན་གནག་གཞོལ་བ་པོ། །དེ་འདྲའི་སེམས་ཅན་དོན་སླད་དུ། །བྱང་ཆུབ་སེམས་དཔའ་སྙིང་བརྩེ་བའི། །བསམ་པས་བདག་བདེ་བཏང་ནས་ཀྱང་། །སེམས་ཅན
329b5 སྡིག་པ་བསལ་སླད་དུ། །བྱང་ཆུབ་སྤྱད་པ་སྤྱོད་པ་ན། །བསོད་ནམས་བགྱི་བའི་དངོས་སུམ་གྱིས། །སྡིག་པའི་སེམས་ཅན་གྲོལ་བགྱིད་ཅིང་། །ཆོས་ཀྱི་རྒྱལ་མཚན་བསྒྲེང་བར་བགྱིད། །སེམས་ཅན་འགའི་དོན
329b6 སླད་དུ། །ལུས་དང་སྲོག་དག་བཏང་ནས་ཀྱང་། །དཀའ་ཐུབ་བརྟུལ་ཞུགས་སྤྱད་ལྡན་པ། །དཀའ་བ་དག་ནི་མང་དུ་སྤྱད། །གང་ཚེ་སེམས་ཅན་འགའ་སླད་དུ། །བསྐལ་བརྒྱར་སྡུག
329b7 བསྔལ་སེལ་བགྱིད་ན། །སེམས་ཅན་རྣམས་སླད་ཡུན་རིང་དུ། །འཁོར་བར་སྡུག་བསྔལ་བཟོད་པར་བགྱི། །སེམས་ཅན་ཡོངས་སུ་སྨིན་སླད་གནས། །དེ་འདྲའི་བསམ་དང་ལྡན་པ་ཡིས། །
329b8 སེམས་ཅན་སྲིད་པའི་བསམ་པ་ཅན། །སེམས་ནི་བྱང་ཆུབ་མངོན་བགྱིད་སྩལ། །དེ་ནས་དཔལ་ལྷ་མོ་ཆེན་མོས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང
iiif viewer powered by OpenSeadragon
