| e-texts navigator |
| Wylie |
329a1 འགྱུར་རོ། །གསོལ་པ། སྡུག་བསྔལ་གང་ཅུང་ཟད་ཅི་བྱུང་བ་ཐམས་ཅད་ནི་ཟས་ཀྱི་རྐྱེན་ལས་གྱུར་པ་ལགས་ཏེ། ཟས་མ་མཆིས་ན་སྡུག་བསྔལ་འབྱུང་བ་ཡང་མ་མཆིས་ལགས་སོ། །དེ་ནས
329a2 དེའི་ཚེ་བརྒྱ་བྱིན་གཟི་བརྗིད་དྲི་མ་མེད་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ། །སྲེད་པའི་དུག་གིས་བསྒྱུར་བས་ན། །ངུ་བ་དང་ནི་རྒོད་པར་བགྱིད། །ཉེ་བར་གནས་ཤིང་ལྟུང་བར་བགྱིད། །ཀུན་དུ་སྤྱོད
329a3 ཅིང་རྣམ་པར་རྒྱུག་། ས་གཞི་དག་ལ་ཏིལ་བརྡུངས་ལྟར། །སྡུག་བསྔལ་འཁྲུལ་འཁོར་གནོད་པར་བགྱིད། །ལྷར་བཅས་འཇིག་རྟེན་ཐམས་ཅད་ལ། །དེ་ལྟར་སྲེད་པས་གནོད་པར་བགྱིད། །ཀྱེ་མ་སྲིད་པའི
329a4 ཞགས་པ་ཡིས། །སྲིད་པའི་རྩེ་མོའི་མཐར་གཏུགས་པས། །དེ་ལྟར་ཞགས་འདི་རྒྱ་ཆེ་བ། །ཁ་ཟས་དག་གི་རྒྱུ་ལས་བྱུང་། །སོ་སོའི་སྐྱེ་བོ་རྒྱུ་གཉིས་ཀྱི། །སྲེད་པའི་རྡུལ་གྱིས་ཡན་ལག་བཅིངས། །རི་དགས
329a5 ཞགས་པས་བཅིངས་པ་ལྟར། །འབྲོས་པ་དག་ཏུ་ནུས་མ་ལགས། །ལྷར་བཅས་འཇིག་རྟེན་སེམས་ཅན་དག་།སྲེད་པས་གར་བགྱིད་རྩོལ་བ་ལྟར། །གར་གཞུང་དག་ལ་གར་མཁན་བརྒྱས། །དེ་ནས་གར
329a6 བགྱིད་རྩོལ་མི་ནུས། །སྲེད་པའི་དུག་གིས་བསྒྱུར་བས་ན། །ཇི་ལྟར་སྐྱེ་བོ་མྱོས་པ་ལྟར། །བཏུང་བ་མྱོས་བགྱིད་བསླད་པ་ཡིས། །མྱོས་པ་དག་ཏུ་མི་བགྱིད་དོ། །སྲེད་པའི་གནོད་སྦྱིན་གདོན་དག་གིས། །སྐྱེ་བོ
329a7 བརླམས་ནས་འཁྱལ་བ་ལྟར། །འབྱུང་པོའི་གདོན་གྱིས་མྱོས་པ་དག་།འཁྱལ་བ་དག་དུ་མི་བགྱིད་དོ། །ནོར་འཛིན་དེ་དག་འཛིན་པ་བཏང་། །སྲེད་པའི་འཇིགས་པ་རྣམ་པར་སྤོངས། །གང་གིས་སྲེད་པ
329a8 བསྐམས་ནས་ཀྱང་། །དེ་དག་འཁོར་བར་མི་གནས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཀྱང་འདི་སྐད་ཅེས་གསོལ་ཏོ། །ཞེ་སྡང་ཁྲོ་བས་སྐྱེ་དགུ་བརླམས། །སེམས
iiif viewer powered by OpenSeadragon
