| e-texts navigator |
| Wylie |
328b1 སྨན་དང་། རོ་དག་ཚིག་པར་བྱེད་དོ། །སྐེམས་པར་བྱེད་དོ། །འབྲུལ་བར་བྱེད་དོ། །མ་རུངས་པར་བྱེད་དོ། །དེས་ན་སེམས་ཅན་རྣམས་ལོངས་སྤྱོད་དང་། ཡོངས་སུ་སྤྱོད་པ་དང་། མི་ལྡན་པས་ལུས
328b2 དང་། ངག་དང་། ཡིད་ཀྱི་སྡིག་པའི་ལས་མི་བཟད་པ་རྣམ་པ་སྣ་ཚོགས་དག་ཀུན་དུ་སྤྱོད་པར་བྱེད་དོ། །ལས་ཀྱི་སྒྲིབ་པ་མི་བཟད་པ་དེས་ན་སྔོན་དགེ་བའི་རྩ་བ་བསྐྱེད་པ་ཐམས་ཅད་ཀྱང་སྲེག་པར་བྱེད་དོ། །
328b3 སྐེམས་པར་བྱེད་དོ། །ཐལ་བར་རློག་པར་བྱེད་དོ། །དགེ་བའི་བཤེས་གཉེན་དག་སྤོང་ཞིང་ངན་སོང་གསུམ་པོ་དག་ལ་གཞོལ་བར་བྱེད་དོ། །ཁ་ཅིག་གོས་དང་། བཟའ་བ་དང་། བཏུང་བ་ཙམ་གྱི་ཕྱིར་ཚེ་གཅིག་གིས
328b4 དེ་ལྟ་བུར་སྡིག་པའི་ལས་མཚམས་མེད་པ་དག་གི་བར་དུ་ཀུན་དུ་སྤྱོད་པར་བྱེད་དེ། དེ་བསྐལ་པ་མང་པོ་ཞིག་གི་བར་ཕྱིས་མིར་སྐྱེ་བ་འཐོབ་པར་མི་འགྱུར་རོ། །གལ་ཏེ་དེ་དག་ཡུན་རིང་པོ་འདས་ནས་བརྒྱ་ལ་བརྒྱ
328b5 ལམ་ན་མིའི་ལུས་ཐོབ་ན་ཡང་ཁ་ཅིག་ནི་ཡན་ལག་ཉམས་པར་འགྱུར་རོ། །ཁ་ཅིག་ནི་དྲན་པ་ཉམས་པར་འགྱུར་རོ། །གདོལ་པའི་རིགས་སུ་ཡང་སྐྱེ་བར་འགྱུར་རོ། །གཡུང་པོའི་རིགས་དང་། སྨྱུག་མ་མཁན་གྱི
328b6 རིགས་དང་། བཀྲེན་པ་དབུལ་པོའི་རིགས་རྣམས་སུ་ཡང་སྐྱེ་བར་འགྱུར་རོ། །བཟའ་བ་དང་བཏུང་བའི་ལོངས་སྤྱོད་དང་། ཡོངས་སུ་སྤྱོད་པ་དག་དང་ཡང་བྲལ་བར་འགྱུར་ལ། ཡང་རྒྱུ་དེས་ན་དགེ་བའི་བཤེས་གཉེན
328b7 དང་བྲལ་ནས་ལུས་དང་། ངག་དང་། ཡིད་ཀྱི་ལས་ཀྱི་སྒྲིབ་པ་མི་བཟད་པ་དག་ཀུན་དུ་སྤྱོད་པར་བྱེད་དོ། །ཡང་ཁ་ཅིག་ངན་སོང་གསུམ་པོ་དང་། མནར་མེད་པ་དག་ཏུ་ཡང་གཞོལ་བར་འགྱུར་རོ། །རིགས་ཀྱི་བུ་དེ་ལྟར
328b8 ལོངས་སྤྱོད་དང་། ཉེ་བར་སྤྱོད་པ་དང་མི་ལྡན་པའི་སེམས་ཅན་རྣམས་འཁོར་བར་ཡུན་རིང་དུ་ཉམ་ཐག་པར་འགྱུར་རོ། །ངན་སོང་གསུམ་པོ་དག་ཏུ་སྡུག་བསྔལ་མི་བཟད་པ་སྣ་ཚོགས་དག་ཉམས་སུ་མྱོང་བར
iiif viewer powered by OpenSeadragon
