| e-texts navigator |
| Wylie |
328a1 པ་ཐམས་ཅད་དུ་དེ་ལྟ་བུར་སྐྱེ་བ་ལེན་ལ། བསྡུ་བའི་དངོས་པོ་བཞི་པོ་དག་ལ་བརྩོན་ཞིང་དེར་བརྩོན་པ་བརྟན་པ་དང་། བརྩོན་འགྲུས་བརྩམས་པ་ཡིན་ནོ། །གྲོགས་དགེ་བའི་བཤེས་གཉེན་དེ
328a2 ལྟ་བུས་ཡོངས་སུ་ཟིན་པ་ཡིན་ནོ། །རྣམ་པ་ཐམས་ཅད་མཁྱེན་པའི་ཡེ་ཤེས་དེའི་ལག་ཏུ་ཐོབ་པ་ཡིན་ཏེ། དེའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་ཡང་བརྗོད་པར་བྱའོ། །དེས་རྣམ་པར་གནོན་པ
328a3 ཡང་བརྗོད་པར་བྱའོ། །མངལ་གྱི་སྐྱོན་ལས་ཐར་བར་ཡང་བརྗོད་པར་བྱའོ། །མི་སློབ་པའི་ས་ལ་གནས་པས་ཟག་པ་ཟད་པར་ཡང་བརྗོད་པར་བྱའོ། །དེ་སངས་རྒྱས་བཅོམ་ལྡན་འདས་ཐམས་ཅད
328a4 ཀྱིས་དགོངས་པ་དང་། བྱིན་གྱིས་བརླབས་པར་ཡང་བརྗོད་པར་བྱའོ། །འདོད་ཆགས་དང་བྲལ་བའི་ས་ལ་ཤིན་དུ་གནས་པར་བརྗོད་པར་བྱའོ། །དེ་ནས་བརྒྱ་བྱིན་གཟི་བརྗིད་དྲི་མ་མེད་པ། བཅོམ་ལྡན
328a5 འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཅིའི་སླད་དུ་འཚོ་བའི་འཇིག་རྟེན་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི
328a6 ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བགྱིད་ལགས། བཀའ་སྩལ་པ། ལྷའི་དབང་པོ་རྒྱུ་དང་རྐྱེན་གཉིས་ཀྱིས་འཚོ་བའི་འཇིག་རྟེན་འདིར་ཀླུ་དང་། ཀླུ་ཆེན་པོ་རྣམས་སེམས་ཅན
328a7 རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བྱེད་དོ། །གཉིས་གང་ཞེ་ན། འདོད་ཆགས་ཀྱི་དབང་དང་། ཁྲོ་བའི་དབང་གིས་དུས་མ་ཡིན་པའི་སྤྲིན་དག་འབྱུང་བར་བྱེད་ཅིང་རྫིའི་ཆར་དང་།
328a8 སེར་དྲག་དག་འབེབས་པར་བྱེད་དོ། །ལྷགས་པ་དང་། ཚ་བ་དག་འབྱུང་བར་བྱེད་དོ། །དེས་ན་འདིར་སེམས་ཅན་རྣམས་ཀྱི་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་།
iiif viewer powered by OpenSeadragon
