| e-texts navigator |
| Wylie |
325b1 པ་ཆེན་པོའི་དཔལ་གྱི་ཤིང་རྟ་ལ་ཞོན་ནས། རིགས་ཀྱི་བུ་འདིར་བླ་ན་མེད་པའི་བྱང་ཆུབ་ཀྱི་ལམ་དུ་སེམས་ཅན་དཔག་ཏུ་མེད་པ་རྣམས་རྟོན་པར་བྱེད་པ་ནི་རིགས་ཀྱི་བུ་ཁྱོད་ལེགས་སོ་ལེགས་སོ། །དེ་ནས
325b2 དེ་ཉིད་དུ་བྱང་ཆུབ་སེམས་དཔའི་འཁོར་ཐམས་ཅད་ཀྱིས་ཀྱང་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཁྱོད་ཀྱིས་དེ་ལྟར་བྱས་པ་ནི་ལེགས་སོ་ལེགས་སོ། །
325b3 དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་སྨྲས་སོ། །བྱམས་པ་ཁྱོད་ལ་བདག་གིས་དཔལ་མེ
325b4 ཏོག་གསར་པ་ཞེས་བྱ་བའི་གཟུངས་ཆེན་པོ་སྦྱིན་གྱིས། གཟུངས་ཆེན་པོ་དེ་ནས་རིགས་ཀྱི་བུ་ཁྱོད་ཀྱིས་བྱམས་པ་ཆེན་པོའི་གོ་བགོས་ནས། འདིར་སེམས་ཅན་རྣམས་ལ་ཚིག་གིས་ཆོས་སྟོན
325b5 ན་ཏིང་ངེ་འཛིན་གྱི་རྣམ་པར་འཕྲུལ་པའི་སྟོབས་བསྐྱེད་པའི་ཆོས་དེ་དག་སེམས་ཅན་གང་དག་གིས་ཐོས་པའི་སྡིག་པའི་སེམས་དང་། སྡིག་པའི་ལྟ་བ་དག་སྤོང་བར་བྱེད་དོ། །སྡིག་པའི་གྲོགས་པོ
325b6 དང་། སྡིག་པའི་བཤེས་གཉེན་དག་སྤོང་བར་བྱེད་དོ། །སེམས་ཀྱིས་བྱམས་པ་དང་། སྙིང་རྗེ་དང་། དགེ་བའི་རྩ་བ་དག་ཡིད་ལ་བྱེད་པར་འགྱུར་རོ། །སེམས་ཅན་ཐམས་ཅད་ལ་སྙིང་བརྩེ་བ་དང་།
325b7 སེམས་འཇིག་རྟེན་ཕ་རོལ་ལ་ལྟ་བ་ཅན་དུ་འགྱུར་རོ། །སེམས་མི་དགེ་བ་བཅུའི་ལས་ཀྱི་ལམ་དག་ལས་ལྡོག་པར་འགྱུར་རོ། །སེམས་དགེ་བ་བཅུའི་ལས་ཀྱི་ལམ་དག་ལ་རྣམ་པར་གནས་པར
325b8 འགྱུར་རོ། །སེམས་སེམས་ཅན་ཐམས་ཅད་ལ་མངོན་པར་དགའ་བར་འགྱུར་རོ། །གཟུངས་ཆེན་པོ་འདི་ནི་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའི་ཕྱིར་ཆོས་ཀྱི་ཆར་འབེབས
iiif viewer powered by OpenSeadragon
