| e-texts navigator |
| Wylie |
319a1 པ་དེར་བདག་གི་འཁོར་གང་དག་ཀླུ་དང་། ཀླུ་མོ་དང་། ཀླུ་རྒན་པོ་དང་། ཀླུ་རྒན་མོ་དང་། ཀླུའི་བུ་ཕོ་དང་། ཀླུའི་བུ་མོ་དང་། ཀླུའི་འཁོར་ཕོ་དང་། ཀླུའི་འཁོར་མོ་རྣམས་དུས་མ་ལགས་པར་རྫི་ཆར
319a2 དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་དུ་ཚ་བ་དང་། ཉི་མས་གདུངས་པ་དག་འབྱུང་བར་བགྱིད་དམ། སེམས་ཅན་རྣམས་ཀྱི་ལོ་ཏོག་དང་།
319a3 མེ་ཏོག་དང་། འབྲས་བུ་དང་། འབྲུ་དང་། སྨན་གྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ་བར་བགྱིད་ན་ཀླུ་དེ་དག་གིས་བདག་བསླུས་པས་དེའི་ལུས་ཐམས་ཅད་འཁུམས་པར
319a4 གྱུར་ཅིག་། དེ་དག་རྫུ་འཕྲུལ་དང་བྲལ་ནས་འགྲོ་མི་ནུས་པར་གྱུར་ཅིག་།རིམས་ནད་ཀྱིས་གདུངས་པར་གྱུར་ཅིག་།ལོངས་སྤྱོད་ཐམས་ཅད་དང་བྲལ་བར་གྱུར་ཅིག་།སྤོབས་པ་མེད་པར་གྱུར་ཅིག་།
319a5 དོན་བྱེད་མི་ནུས་པར་གྱུར་ཅིག་ཅེས་མནས་བསྒག་པར་བགྱིའོ། །ཏདྱ་ཐཱ། ནཱ་ག་ཛ་ན་དུ་ཤེ། ནཱ་ག་དྷ་ར་གཱུ་གྷྲ་གཱུ་གྷྲ། ཛ་ལ་གཱུ་གྷྲ། ཨ་བི་མཱ་ར་གེ། ས་ཧ་སྲ་མུ་ཁེ། ཀ་ལ་ཏི་མ་པུ་སེ། ནཱ་ག་སྟམ
319a6 བྷ་རི། ཛ་ཡ་བ་ཕ་ལེ། བི་མུ་ཤ་ཀྲཻ་སྭཱ་ཧཱ། ཐམས་ཅད་དང་ལྡན་པའི་འཁོར་ཀྱིས་དེ་ཉིད་དུ་ལེགས་སོ་ཞེས་བྱ་བ་བྱིན་ནོ། །དེ་ཉིད་ཀྱི་ཚེ་ཐམས་ཅད་དང་ལྡན་པའི་ཀླུའི་འཁོར་རྣམས་ཤུགས་དྲག་པོར
319a7 འཁྲུགས་ཤིང་དངངས་པར་གྱུར་ཏོ། །དེའི་ཚེ་ཀླུའི་རྒྱལ་པོ་དགའ་བོ་དང་། བསྙེན་དགའ་བོ་གཉིས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི
319a8 སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ད་ལྟར་དང་། མ་འོངས་པའི་དུས་སུ་རྒྱལ་རིགས་གདོལ་པ་དེ་དག་གཞན་ལ་སྦྱིན་པར་མ་དད་ཅིང་བདག་ཉིད་ལོངས་སྤྱོད་པར་འཚལ་ལ། འཇུངས་པ་ལོངས
iiif viewer powered by OpenSeadragon
