| e-texts navigator |
| Wylie |
318a1 ཕས་ཀྱི་རྒོལ་བ་རྣམས་ཀྱི་མཁར་ལགས་སོ། །ནད་པ་རྣམས་ཀྱི་སྨན་པ་ལགས་སོ། །བསླབ་པ་རྣམས་ཀྱི་རི་ལགས་སོ། །ཉོན་མོངས་པས་ཀུན་ནས་གདུངས་པ་རྣམས་ཀྱི་ཟླ་བ་ལགས་སོ། །ལྟ་བ་ངན
318a2 པར་ལྟུང་བ་རྣམས་ཀྱི་ཉི་མ་ལགས་སོ། །ཡེ་ཤེས་ཀྱི་རྒྱ་མཚོ་ལགས་སོ། །བྱང་ཆུབ་ཀྱི་ཕྱོགས་པ་རྣམས་ཀྱི་ཕྲེང་བར་གྱུར་པ་ལགས་སོ། །ཐམས་ཅད་མཁྱེན་པའི་ཡེ་ཤེས་ཀྱི་བུམ་པ་བཟང་པོ་ལགས་སོ། །
318a3 ཆོས་གོས་ངུར་སྨྲིག་འདི་ནི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བ་ལགས་སོ། །ཆོས་གོས་ངུར་སྨྲིག་འདི་ནི་སེམས་ཅན་རྣམས་ལ་ཆོས་ཀྱི་ཆར་དབབ་པའི་དོན་གྱི་སླད་དུ་སངས་རྒྱས་ཐམས་ཅད་ཀྱིས་བྱིན
318a4 གྱིས་བརླབས་པ་ལགས་སོ། །བཙུན་པ་བཅོམ་ལྡན་འདས་འདི་ལྟར་གང་དག་རྒྱལ་རིགས་གདོལ་པ་དེ་དག་ནི། བཅོམ་ལྡན་འདས་ཀྱི་བསྟན་པ་འཇིག་པར་བགྱིད་ཅིང་དགེ་སློང་དག་ལ་ཐོ་འཚམ་པར་བགྱིད་པ་ནས།
318a5 བཅོམ་ལྡན་འདས་ཀྱི་སླད་དུ་རབ་ཏུ་བྱུང་བ་སྣོད་དུ་གྱུར་པ་དང་། སྣོད་དུ་མ་གྱུར་པའི་ལུས་ལ་གནོད་པ་བགྱིད་པ་དང་། ནོར་འཕྲོག་པ་དང་། སྲོག་གི་བར་ཆད་དག་བགྱིད་པའི་བར་དུའོ། །ཡུལ་འཁོར་དེར
318a6 གང་དག་སངས་རྒྱས་ལ་དད་པའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་མཐུ་བོ་ཆེ་དེ་དག་ཐམས་ཅད་ཀྱང་རྒྱལ་རིགས་གདོལ་པ་ལ་གཤེ་བར་འགྱུར
318a7 ཏེ། དེ་དག་གིས་དེའི་ཡུལ་འཁོར་དུ་ཐབ་མོ་དང་། རྩོད་པ་དང་། ལོ་ཉེས་དང་། ནད་དང་། ཕ་རོལ་གྱི་དམག་ཚོགས་དག་འབྱུང་བར་བགྱིད་ལགས། །དུས་མ་ལགས་པའི་ཆར་མོ་ཆེ་དང་། ཐན་ཆེན་དང་།
318a8 ལྷགས་པ་དང་། ཚ་བ་དང་། རླུང་དང་། ཉི་མས་གདུངས་པ་དག་གིས་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་རྣམས་མ་རུང་བར་བགྱིད་ཀྱང་དེ
iiif viewer powered by OpenSeadragon
