| e-texts navigator |
| Wylie |
315b1 སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་གང་དག་ཀླུ་ཁྲོ་བོ་དེ་དག་ནི་གནས་དེར་ཞུགས
315b2 ཏེ་མཆིས་ནས་ཀླུ་རྣམ་པར་བསྒྱིངས་པའི་གནས་ཤེས་བགྱི་བའི་ཏིང་ངེ་འཛིན་ལ་སྙོམས་པར་ཞུགས་ནས་གནས་པར་བགྱི་ལགས་སོ། །ཏིང་ངེ་འཛིན་གྱི་མཐུས་བདག་གིས་དེ་དག་གི་ཁྲོ་བ་དང་། ང་རྒྱལ་དང་། དྲེགས
315b3 པ་དང་། འདོད་ཆགས་དེ་དག་ཉེ་བར་ཞི་བར་བགྱི་ལགས་སོ། །དེ་དག་འཇམ་པ་དང་། སྣོད་དུ་རུང་བ་དང་། སེམས་ཞི་བར་འགྱུར་བ་དང་། སེམས་འཇིག་རྟེན་ཕ་རོལ་ལ་བལྟ་བར་འགྱུར་བ་དང་། སེམས་ཅན་ཐམས་ཅད
315b4 ལ་སེམས་བྱམས་པ་དང་། སྙིང་རྗེ་བ་དང་། སྙིང་བརྩེ་བ་དང་། སེམས་བརྩེ་བ་ཅན་དུ་འགྱུར་བར་བགྱི་ལགས་སོ། །ཀླུ་ཁྲོ་བོ་དང་། ཀླུ་མ་རུངས་པ་རྣམས་དད་པར་འགྱུར་བར་བགྱི་ལགས་སོ། །སེམས་ཅན་ཐམས་ཅད
315b5 ལ་མི་འཚེ་ཞིང་སྙིང་བརྩེ་བ་ཅན་གྱི་སེམས་ཀྱི་ས་ལ་གནས་པར་བགྱི་ལགས་སོ། །གཞན་ཡང་གང་དག་རྫི་ཆར་དང་། ཆར་མོ་ཆེ་དང་། ཐན་ཆེན་དང་། སྤྲིན་དང་། སྤྲིན་ཆེན་དང་། ལྷགས་པ་དང་། ཚ་བ་དག་གིས་གནོད
315b6 པར་གྱུར་པའི་སེམས་ཅན་དེ་དག་གིས་ཐལ་མོ་སྦྱར་ཏེ། བདག་གི་མིང་བརྗོད་ནས་འདི་སྐད་དུ་རིའི་སྙིང་པོ་ཐུགས་རྗེ་རྒྱ་ཆེ་བ། ཀླུ་ཡོངས་སུ་སྨིན་པར་མཛད་པ། བདག་ཅག་དྲན་ལགས་སོ། །བླ་ན་མེད་པའི་བྱང
315b7 ཆུབ་ལ་སྤྱོད་པར་མཛད་པ། ཐབས་དང་ཡེ་ཤེས་སྣ་ཚོགས་ལ་བརྩོན་པས་མི་སྤྱོད་ལགས་སམ། བདག་ཅག་སྡུག་བསྔལ་ལས་ཐར་བར་མཛད་དུ་གསོལ། ཡོངས་སུ་བསྐྱབ་ཏུ་གསོལ་ཞེས་སྨྲ་བ་དག་གིས
315b8 འདི་སྐད་དུ་བརྗོད་པར་བགྱིའོ། །ཏདྱ་ཐཱ། སྟམ་བྷ་བྷུ་ཛ། བི་རེ་ཌུ་བྷུ་ཛ། གོ་གྷ་བི་རེ་ཛྲ་བྷུ་ཛ། མེ་རུ་བྷུ་ཛ། ག་ཏུ་བ་བྷུ་ཛ། ཧཱུཾ་ཧཱུཾ། ཨ་ནེ་བ་བྷུ་ཛ། སྨ་ར་བྷུ་ཛ། སྨ་ར་ཨ་བརྟ་བྷུ་ཛ། ནི་མ་བ་བྷུ་ཛ་སྭཱ་ཧཱ། བཙུན
iiif viewer powered by OpenSeadragon
